Wihta Nani 10:4 - DAWAN BÎLA AISKA

⁴ Witin ai luhpia waitna nani 30 bri kan, baha nani 30 ba biriku ra uli kan, kumi bani tawan kum brih iwan Galaad kuntrika ra. Baha 30 tawan nani ba naiwa kat kau ban ‘‘Jaír tawanka nani ba’’ nina mâkisa.

Wihta Nani 10:4 ပူးပေါင်းရင်းမြစ်များ

2 Samuil 16:2

King bui witin ra makabi walan: —¿Dîa dukiara naha dukia nani na brih aulma? Sibá pana win: —Biriku nani ba lika king watla uplika nani ulaia dukiara; brit nani bara dus mâ nani ba, suldiar nani piaia, bara wain ba lika upla iwras tasbaya ra watauki nani swapan ba diaia.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Kulki Kaikanka 32:41

Manasés kiamka Jaír sin, aiklabi amorreo nani ba pura lui, tawan ba dakbi brin bara nina Havot-jaír mâkan.

Kli Smalkanka 3:14

(Jaír, Manasés kiamka wina ba, Argob tasbaya aiska ban Guesur tasbaya piarkika ba kat, baha wina Maacá tasbaya ba sin brin, bara tasbaya nina Basán mâkan ba watlika ra witin ai nina ni Havot-jaír mâkan. Naiwa kat baha nina ban baku mâkisa.)

Wihta Nani 10:3

Tolá ningkara Jaír Galaad wina ba bal takan. Witin sin 22 mani Israel luhpia nani wihtka aimakan.

Wihta Nani 10:5

Jaír pruan ba ra, Camón ra bikan kata.

Wihta Nani 12:14

Witin 8 mani wihta aimaki kan. Abdón ai luhpia waitna 40 bara ai mula nani sin 30 brin, baha nani kumi bani biriku kum uli kan.

Wihta Nani 5:10

“Man nani, biriku mairin pihni nani purara ulisma ba, baha sturka ba aisas; bara man nani iwaika swapni nani ra iwisma ba sin; man nani impapakra wapi auma ba sin: