Wihta Nani 1:18 - DAWAN BÎLA AISKA

¹⁸ Ban sakuna, Gaza, Ascalón bara Ecrón tawanka nani lika sip dakbi briras kan, tasbaya nani ai lamara ba sin apia.

Wihta Nani 1:18 ပူးပေါင်းရင်းမြစ်များ

1 King Nani 4:24

Bara witin lika Éufrates tasbaya muna tani aiska tâ aimaki kan, Tífsah wina ban Gaza kat, bara naha tasbaya kingka nani sut purara, bara ai tnaya aiska kir kupia kumi bri kan.

Impakan Sturka 23:31

Tasbayam piarkika ba sin naku daukri sa: Kabu Pauni ba wina filisteo nani kabuka kat, bara tasba lâwan ba wina Éufrates awalka kat. Upla nani sut baha bilara iwi ba yang mita man nani mihtam ra mangkri sa, man nani mita witin nani ba mamwan wina kangbi sâkma.

Jirimaya 25:20

bara upla wala nani masraka sât sât nani bâra ba nani ra sin; Us tasbaya kingka nani sut ra, filisteo nani tasbaya aiska ra: Ascalón, Gaza, Ecrón, Asdod ra takaski nani ba sin;

Jirimaya 47:5

Gaza uplika nani ai tâwa irbia, Ascalón uplika nani sip aisaras takbia. Blasi upla tarka tara nani kan ba wiria takaskan nani, ¿ahkia kat man tamya ra klaki ban kama sari brisma tukinka ba?

Kli Smalkanka 2:23

Heveo nani ra sin baku takan, witin nani Gaza tawanka lupia nani ra iwi kan ba, bara filisteo nani, Creta wina bal âpu dauki, bara witin nani baha tasbaya ra iwan.)

Jasua 11:22

bara baku Anac upla tara kiamka kumi sin raya swiras, Israel tasba piarkika ra iwi kan nani ba. Anac kiamka tara Gaza ra, Gat bara Asdod ra iwi kan nani baman takaskan.

Jasua 13:3

baha sika Sihor awala wina auya ba, Idsip lalma ra, Ecrón piarkika kat baha yahbra tani ra, baha lika Kena uplika nani tasbaya kulkisa, bahara wihta nani matsip bâra sa, baha nani sika Gaza, Asdod, Ascalón, Gat bara Ecrón wihtka nani. Aveo nani tasbaya pîska nani sin takaskan

Jasua 15:11

Baha wina Ecrón ilka witnika nani bâk lui Sicrón ra tawi wan ban Baalá ilka bâk lui Jabneel ra wan, bara baha wina ban Mediterráneo kabuka kat takaskan.

Wihta Nani 14:19

Baha ningkara Dawan spiritka ba Samson ra iwan, bara witin waitna karna takan; bamna Ascalón ra wan, bahara 30 waitna ikan baha tawanka uplika nani ra. Bara baha nani kwalka nani ba ni 30 waitna nani ra aibapan, witin dahra prakan tânka makabi walan ba param saki win ba waitnika nani ra. Ban sakuna, witin ai kupia sauhki ai aisa watla ra wan,

Wihta Nani 16:21

Bara filisteo nani bal alki ai nakra wâl ba daikan, bara Gaza ra brih wan, bahara bras sialaka ni priski silak watla ra mangkan, akbaia walpaya wilbi lakaika ba yaban akbi kan.

Wihta Nani 3:3

Filisteo nani wihtka nani matsip ba takaskan, Kena uplika nani ba sut, Sidón uplika nani bara heveo nani Líbano ilka ra iwi kan ba, Baal-hermón ilka wina Hamat ra dimi waia yabalka ba kat.

1 Samuil 6:17

Gul yukrika nani matsip ba filisteo nani bui ai saurka nani mana baku prisantka Dawan ra yaia daukan ba, baha ba tawan matsip dukiara kan: Asdod, Gaza, Ascalón, Gat bara Ecrón;