Taitus 3:5 - DAWAN BÎLA AISKA

⁵ witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

Taitus 3:5 ပူးပေါင်းရင်းမြစ်များ

Job 15:14

Upla sunukira ba âpu sa, ai pâtka wina pri ba sin âpu sa.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Job 9:20

Yang na wapni pali kamna kra, ban sin tâski âpu kamna sin, sakuna witin mita ban ai wibia, yang na pâtkira bara saurakira.

Lawana Nani 130:7

Israel man, Dawan ra bîla kaiks, kan Dawan sika latwan lâka ba, bara pri lâka aiska ba sin.

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Lawana Nani 51:10

Gâd, ¡yang ra kupi lukanka tâski âpu ba aik! ¡Bara spirit raya kum kasak ba sin aik!

Lawana Nani 62:12

Bara witin lawi upla bani ra mana yabisa dîa daukan ba tânka kat.

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Aiseya 57:12

Sakuna man daukankam nani aisaisna, dîa man lukisma, kasak wapni sma.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Luk 1:50

Bara piu bani baha nani witin ra sibrin luki nani ra umpira kaiki kabia.

Luk 1:54

Ai napakanka Israel ba hilp munan; ai kupia swapni lâka sin ai âuya tikras kan,

Luk 1:72

wan damika nani ra sin umpira kaikbia, bara ai pramiska holikira witin nani wal daukan ba sin ai âuya tikbia apia.

Luk 1:78

Wan Gâdka, ai kupia swapni lâka ra umpira wan kaikan bamna, witin yu raya baiwan baku pura wina lapta ba wan blîkbia,

Roman 11:14

Brin ai daukisa yang nisanki pali wina, tila ba man nani daukisma ba baku daukbia, bara baku witin nani sin swaki sakan kabia.

Roman 11:6

Bamna Gâd latwanka lâka ba mita sa kaka, nanara upla mita dîa daukaia sip yaba tâka mita lika apia; kan upla dauki ba mita kaka, baha lika Gâd latwanka ba kasak pali latwan lâka tânka apia sa.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Roman 3:20

kan Gâd ba upla kum ra sin pri sa wiras sa lâ aiska ba daukan wisa, lâ tânka ba sika naha baman wan marikisa yawan na upla saura nani sa.

Roman 3:28

Baku bamna, yawan kaikisa upla kumi kasak lukan ba mita Gâd mita kasakkira kulkisa, lâ dîa win ba kat daukan tânka kumi sin âpu kira.

Roman 4:5

Ban sakuna, upla kumi wark kumi sin daukras pali kuna kasak lukisa Gâd mita upla saurakira ba kasakkira kulkisa, baha uplika kasak lukan bamna, Gâd mita kasakkira kulkisa.

Roman 9:11

sakuna baha tuktika waitna wâl ba kau aisubi takras kan, bara witin nani mita diara pain, apia kaka diara saura sin kau daukras kan ba ra, Gâd bui Rebeca ra win: “Luhpiam almuk ba ai muihni sirpi ba dukia daukbia.” Naha na sin Ulbanka dîa aisi ba kat sa: “Jekob ra latwan kaikri, kuna Isau ra lika misbara kaikri.” Bamna Gâd mita ani ba bâk saki briaia kan ba baha kat ban swin, ai kupia brinka ba kat, yaura witin mita paiwaia luki ba, dîa dîa witin nani daukan ba kulkras pali.

Roman 9:16

Baku bamna, upla dîa brin dauki ba, apia kaka daukaia trai muni ba lika apia sa, sakuna Gâd mita yamni kaikbia lika.

Roman 9:30

¿Bamna yawan naha dukiara dîa wibia? Kan kasak lukan lâka bâk Gâd mita idan nani ra param mariki pâtka wina pri sakan lâka ba yan, witin nani lika baha pri sakaia lâka ba plikras kan.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

Galesha 2:16

Ban sakuna, yawan pain kaiki, Moses lâka wan wi ba kat dauki mita baman Gâd mawanra sip kasakkira wan kulkras sa, Jisas Kraist ra kasak luki ba mita lika. Baha mita, yang nani sin Jisas Kraist ra kasak luki banhri, naha kasak lukan lâka mita kasakkira ai kulkan kaia dukiara, lâ mita dîa ai wi ba kat dauki banhri ba mita lika apia. Kan lâ bîla wali dauki ba dukiara baman upla kumi sin, Gâd mawanra kasakkira kulkan kabia apia.

Epesus 2:4

Sakuna Gâd lika umpira kaikan lâka tara pali brisa, baha mita witin yawan ra uya latwan wan kaikan,

Epesus 4:23

Sakuna man nani lika spiritkam bara sinskam wal ba aiska pali raya nani kaia sma,

Epesus 5:26

Kraist naha daukan serts ba holikira sakaia mata, bara lî ni bara ai smalkanka bîla ni klin daukan,

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

Taitus 3:4

Sakuna, Gâd wan Sasakra ai kupia pihni bara ai latwanka lâka upla nani ra latan marikan ba ra,

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Hibru Nani 4:16

Baha mita, kaisa yawan wan kupia brih, wan Gâdka latwankira king iwaika lamara waia. Bahara yawan umpira kaikan lâka bribia, bara witin ai kupia yamnika ba mita, yawan hilp want awarka ra witin hilp wankbia.

Hibru Nani 6:6

¡Bara ban witin nani kauhan! Sip apia pali sa baha nani kli raya daukaia ai kupia kli laki nani ba dukiara, kan witin nani pali ba sika kli Gâd Luhpia ba dus prihni ra sabi, upla sut mawanra witin lawaska kiki ai swira daukisa.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

1 Pita 2:10

Blasi pali man nani ba Gâd uplika nani apia katma, kuna nanara lika, witin uplika nani sma; blasi pali upla kumi sin umpira mai kaikras kan, sakuna nanara lika, Gâd mita man nani ra umpira pali mai kaikisa.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.