Taitus 3:3 - DAWAN BÎLA AISKA

³ Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Taitus 3:3 ပူးပေါင်းရင်းမြစ်များ

Blasi Sturka 38:9

Sakuna Onán ai dara wali kan, witin ai luhpia nani Tamar wal baikbia ba, witin ai luhpia nani baku pali kulkan kabia apia ba. Baha mita, aima bani witin ai piarkika ba wal yapuya ba ra saki laiki kan, mairin ba kwihra tiwaia apia ba dukiara, bara baku ai muihni pruan ba, witin ai luhpia baiki ba ni ai kiamka saki bribia apia dukiara.

Blasi Sturka 39:16

Baha aisi si bara Josep prâka ba witin bahara suni bri kan, ai dawanka utla ra balan ba kat.

Lawana Nani 36:2

Witin lukisa ai mayunra tara briaia ba aitani sa. Ai watawika lâka ba misbara kaikaia ba sip kaikras sa.

Sins Lâka 8:5

Sins tânka aitani briras wahmika bara taniskira nani, ¡lan taks, tânkira watauki kaia bara aman damra walaia ba!

Sins Lâka 9:6

Man nani tanis lâka ba swis, bara raya kama; upla sinskira nani baku man nani tauki bas.”

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Abdías 1:3

Il walpaya tara baiwanka nani bilara laih purara iwisma bamna, kupiam prautka mita kunin mai munan sa, bara wisma: ¿Ya pali mita naha wina ai batakbia?

Matiu 21:29

Luhpia ba bila: ‘¡Yang wamna apia!’ Sakuna naika mapa ra ai lukanka sins munan, bara wark takaia wan.

Luk 21:8

Jisas bila: “Aman kaiki bas, yarka sin kunin mai munbiara. Upla ailal yang nini bri balbia, bara ban naku wibia: ‘Yang sika Kraist’; bara ‘Nanara sika piua ba.’ Sakuna nina blîkpara.

Jan 8:34

Jisas baha nani ra win: —Kasak pali mai wisni, baha nani saura dauki ba lika saurka lâka albika sa.

Roman 11:30

Man nani lika kaina piua ra Gâd bîla wali daukras katma, kuna nanara Ju nani bîla wali daukras kan ba mita, Gâd mita man nani ra kupia yamni mai kaikisa.

Roman 6:12

Baku ba mita, man nani yarka wînam ra saurka lâka mita taibi munbiara bara adar maikbiara wînam brinka ba bîla wali daukaia.

Roman 6:17

Sakuna Gâd ra tingki kabia, man nani lika kaina piua ra saurka lâka albika nani katma, kuna nanara mai smalkan ba kat kupiam aiska ni witinka mihta ra aimakram ba bîla wali daukisma.

Roman 6:22

Kuna nanara lika, saurka lâka nani ba wina pri takram, bara Gâd napakanka ni takram sa. Naha lika diara pain mai brih aula, kan Gâd tani ra rayaka kumi holi lâka kaia ba maikisa, bara tnata ra raya ban kaia lâka ba mata mai brih auya.

Roman 6:6

Yawan kaikisa, kaina piua ra yawan dîa kata ba lika Kraist wal dus prihni ra saban, baku mika saurka wan wîna tara ra ba sauhki tikan kabia, bara kli baha albika kaia apia dukiara, saurka lâka bîla wali dauki kaia wan wihtka kum baku.

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

Galesha 6:3

Ani uplika, witin diara apia ba, diara tara sa lukisa kaka, witin pali ai lukanka ra kunin munisa.

Kolosi 1:21

Kaina piua ra man nani ba upla tringsar nani kapram bara Gâd wal wailhka kupiam nani ra, diara saura nani dauki kapram ba mita.

Kolosi 3:7

Bara naha diara nani sika, piua luan ra man nani rayakam ra dauki katma ba.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

2 Timoti 3:6

Kan naha nani upla wina upla nani bâra sa, witin nani lika upla watla ra dimi, mairin sinskas nani, saurka baman banhki bri nani ba ra kunin munisa. Naha mairka nani ba brinka karna sât sât mita taibi brisa,

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

Taitus 2:12

Baha Gâd kupia yamni tânka ba wan smalkisa, saurka lâka ba bara tasba brinka karna nani ba yawan swibia, bara naha tasba ra wan sinska ba pain, wapni bara Gâd ra sin luki brih iwi kabia.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

1 Pita 1:14

Luhpia kiama lihni nani baku bas, bara kau Gâd ra kakaira apia katma ba ra, brinka karna nani bri kapram ba, kli daukpara.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 18:2

Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.