Taitus 2:3 - DAWAN BÎLA AISKA

³ Baku sin, serts almukka mairin nani ra wis, upla wal kulkan lâka ra iwaia, upla dahra kwahki kabiara, bara bla tatakra kabia apia. Witin nani ba diara pain ba kat smalkaia sa,

Taitus 2:3 ပူးပေါင်းရင်းမြစ်များ

Roman 1:29

Rausauhkan lâka sâtka nani sut ba ni banhwan sa lâ saura nani, gridi lâka bara lukanka saura, tuman lâka bri nani, upla âikra, unsasabra, kunin mamunra nani, saura dadaukra, bara upla nina aisasara.

Roman 16:2

Bamna man nani bui witin na Dawan nina ra luki pain bris, wan muihni nani kasak lukan lâka ra nahki briaia ba baku, bara dîa dîa kra Febe want takbia kaka sin hilp muns, kan witin lika upla ailal ra hilp munan, bara yang pali ra sin.

Epesus 5:3

Man nani ba Gâd uplika sma ba mita, rug lâka ba nina mâkaia apia sma, tâski lâka wala nani kra, gridi lâka kabia sin apia.

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.

1 Timoti 3:8

Baku sin, serts hilpika nani ba kulkanka bri uplika nani kaia sa; witin nani dîa aisin ba kat daukaia sa, bla tatakra kaia apia, bara lalah diara saura wina takan ba sin lihki kaia apia.

1 Timoti 5:23

Biamra ba uya siknis alki bamna, lî baman dipara, sakuna wain sin wiria dis.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

Taitus 2:4

bara baku mika tiara nani ra lâ yabaia sip kabia, ai maya nani ra bara ai luhpia nani ra sin latwan kaikaia;

Hibru Nani 5:12

Piu wihka luan ba wina, man nani lika pat smasmalkra nani kaia kapram; sakuna kau ban man nani want sma upla kum ba, Gâd bîla tânka sirpi lupia nani ba kli mai smalkaia. Man nani uya swapni takram bamna, plun karna piaia watlika ra tiala laya ni disma.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.