Taitus 2:2 - DAWAN BÎLA AISKA

² Serts almukka waitna nani ra wis, witin nani ba pain luki kabia, ai kupia pain bara ai sinska sin pain bri kabia; kasak lukan lâka, latwan lâka, bara ban bapi buaia lâka sin, witin nani ba yamni kabia.

Taitus 2:2 ပူးပေါင်းရင်းမြစ်များ

Job 12:12

Almuk nani ba sins lâka brisa, kan mani ailal tasba ra iwan, diara nani kaikan ba tânka ba wina sins lâka brin.

Lawana Nani 92:14

Almuk takbia sin ban ai mâ saki kabia; piu sut karna kabia bara raya kabia sin,

Sins Lâka 16:31

Wan tâwa pihwan ba lika prana tara kraunka kum sa, baha sika kasakka lâka yabalka ra kasak wapi tauki ba tânka.

Aiseya 65:20

Bara tuktan nani aisubi taki prui ba âpu kabia, almuk pali taki nani ba sin ai rayaka yua aiska alki prubia. Handat mani alki pruaia ba kau piua apia, bara kau handat mani alkras pruaia ba lahtuban kum.

Libait Lâka 19:32

“Upla almuk mawanra, wapni bûi lakula wis. Dawan ra kulki ba tânka ba mariks. Yang sika Dawan.

Mark 5:15

Jisas bâra kan ba kat balan ba ra, kaikan waitna pirit saura nani bri kata ba ai kwalka dimi iwi kan, ai sinska sin pain bri kan; bara witin nani sirang iwan.

Luk 8:35

Bara upla nani ba aidrubi balan, diara takan ba kaikaia. Witin nani ba Jisas bâra kan pliska ra balan ba ra, kaikan baha waitnika wina pirit saura nani taki wan ba; witin Jisas mina ra iwi kan, kwala dimi, ai sinska sin pain; bamna sut ba tâ iwan.

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Roman 12:3

Baha karbanka Gâd kupia pinhka ba mita purira sunan ba mita sika, man nani sut ra mai wisna, upla kumi bani ai dukiara dîa lukaia ba kau pura lui lukbiara. Ban sakuna, kumi bani ai sinska pain bri lukaia sa, Gâd ai kupia yamni prisantka nani mita kasak lukan lâka mita yaban ba kat.

1 Korint 15:34

Rayaka wapni bara kasak ba ra kli taws, bara kli sin saura daukpara, kan man nani tilam wina upla tila Gâd ra kakaira apia sa. Naha na aisisni, swiram daukaia dukiara.

1 Korint 9:25

Pulanka kum ra win takaia ridi taki nani ba, dîa dîa ai wîna ra saura munaia sip dukia nani ba wina tnaya ra taukisa. Bara witin nani baku daukisa, pura luan prisantka kum pat aisawi ba briaia dukiara; sakuna yang nani lika aisawras prisantka kum briaia dukiara pât takisna.

2 Korint 5:13

Bamna yang nani na tanis atia sna kaka, baha lika Gâd dukiara ba mita; bara tanis apia banhwisna kaka, baha lika man nani dukiamra.

Galesha 5:23

bawaia lâka, bara wan wîna alki takaskaia lâka. Nahmuna dukia nani ba mapara lâ kumi sin sip buras.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Tesalonaika 5:6

Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

1 Timoti 1:10

marit takras tâski lâka dauki nani ba, waitna ai tahkia wal tâski lâka dauki nani ba, upla ai tahkia ra impliki nani ba, kuninkira nani, swer taki kunin aisi nani ba sut, wibia sa kaka, ani uplika nani smalkanka kasak ba mapara bûi ba tani ra lâ ba bâra sa.

1 Timoti 1:14

Baha mita, wan Dawan ai kupia yamnika lâka uya bri ba ni yang ra ai banhkan, bara kasak lukan lâka, latwan lâka yawan Kraist Jisas wal asla ba, baha sin Dawan mita yang ra aikan.

1 Timoti 1:2

Timoti, man kasak lukan lâka mapa ra luhpi kasak pali sma ba, naha wauhkataya mai ulbisna. Gâd wan Aisa bara Jisas Kraist wan Dawan ba mita man ra ai yamnika maikbia, umpira kaikan lâka bara kupia kumi lâka sin.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.

1 Timoti 3:2

Baha mita, tâ bri kum ba pâtkas uplika kaia sa; witin ai maya kumi baman bri kaia sa, bara ai rayaka ba wapni, sinskira bara kulkanka bri kabia. Witin ba ai watla ra upla tringsar nani briaia wilin kaia sa; upla smalki lan kaia sa;

1 Timoti 3:4

Witin ai watla uplika ba pain tâ briaia lan kaia sa, bara yaka ai luhpia nani ai bîla wali daukbia bara kasak kulkanka sin bri kabia.

1 Timoti 3:8

Baku sin, serts hilpika nani ba kulkanka bri uplika nani kaia sa; witin nani dîa aisin ba kat daukaia sa, bla tatakra kaia apia, bara lalah diara saura wina takan ba sin lihki kaia apia.

1 Timoti 5:1

Upla almuk ra lawi daukpara, sakuna witin ba aisikam ra baku smalki bas; wahma nani ba sin muihkam ra baku smalki bas.

Taitus 1:13

Bara witin diara kasak ba kat aisan. Ba mita sika man mita baha nani ra karna pali lawi dauks, bara baku lika witin nani ba kasak lukan lâka mapa ra yamni nani kabia;

Taitus 1:8

Sakuna, piu bani upla wala nani ai watla ra briaia wilin kaia sa; diara yamni dauki uplika kaia sa, ai sinska pain bri kaia, kasakkira, holikira bara ai kupia alki takaski kaia.

Taitus 2:7

Man pali mita, diara sut mapa ra tânkam wal witin nani ra lâ mariki bas. Baha nani ra smalkma, kunin âpu, sunu lâka ra bara pulan ra lika apia.

Pilimon 1:9

sakuna latwan lâka ba nina ra man ra mamkaban ai daukisa. Yang Pal lika pat almuk pali sna, bara nanara sin Kraist Jisas tâwan silak ra ai brisa.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

2 Pita 1:6

tânka briaia lâka ra, wan wîna alki takaski ba, wînam alki takaski briaia ra, wan kupia alki takaskanka; wan kupia alki takaskan ra, kasak kulkan lâka ba;