Taitus 2:14 - DAWAN BÎLA AISKA

¹⁴ Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Taitus 2:14 ပူးပေါင်းရင်းမြစ်များ

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Lawana Nani 130:8

¡Bara witin bui Israel ra saurka lâka sut wina atki sakan kabia!

Lawana Nani 135:4

Dawan Jekob ba bâk saki brin, Israel ba, ai dukia kukan kabia wisi.

Impakan Sturka 15:16

Dawanki, swis witin nani sirang iwbia, swis witin nani tatatwi kabia, swis witin nani walpa baku sip aiawras kabia, man klamhkla karnika ba mita, uplikam nani ba sut bal lui wabia ba kat, naha uplika nani na man dukiam saki briram bamna.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 37:23

Kli tâski takbia apia, aidul saura kulkan nani ra mayuni, saurka sât sât dauki. Yang kasak lâka luha daukan ba wina sut pri sakamna, bara klin daukamna ai saurka wina. Witin nani upliki nani kabia bara yang ai Dawanka.

Libait Lâka 25:41

Bara witin, ai luhpia nani sut wamtla wina taki kli ai taya nani tilara wabia bara ai damika nani tasbaya bribia.

Malaquía 3:3

Dawan bal iwbia prîs nani Libai kiamka nani ba sunu daukaia, silbar bara gul slaslilkra nani pauta klauhan ra kiski tâskika saki ba baku. Baha kat lika witin nani daukaia kata ba baku dauki si, prisantka nani Dawan ra brih balbia.

Kulki Kaikanka 25:13

bara witin ra, ai kiamka nani ra sin kahbuna, prîs aimaki kaia warkka ba witin nani ai warkka ban kabia, yang tâiwan lawaia ba bara Israel luhpia nani pâtka swih tikaia lâka nani sin.

Kulki Kaikanka 7:15

bîp wainhka luhpia kum, sîp kum, sîp wala kum mani kum bri ba, baha nani angki sakripais daukaia,

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 3:12

Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”

Jan 6:51

Bara yang pali na sika, baha rayaka britka kasbrika purara ba wina bal iwan ba; ya naha britka na pibia kaka, ban kaia ra raya kabia. Baha britka yang mita yabamna ba lika, yang pali wîni tara ba sika. Yang baha yabamna, upla nani sut raya kabia ba dukiara.

Apastil Nani Sturka 15:14

Saiman Pita pat wan win, nahki Gâd Ju apia nani ra pas pali pain yamnika yan ba, bara witin nani tila wina sin bâk saki brin ai uplika nani kaia.

Apastil Nani Sturka 15:9

Gâd mita yawan na Ju apia nani ba wal kau sât aihka lika wan kulkras sa, kan witin nani ai kasak lukan lâka ba mita ai kupia nani sin klin sakan sa.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Apastil Nani Sturka 9:36

Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

Kli Smalkanka 26:18

Dawan mita sin naiwa param aisin sa man ba Israel, man ba witin ai dukia sma, pramis mai munan ba baku, man nani ai lâka bîla ba sut daukma.

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

1 Timoti 1:15

Naha aisanka na lika kasak pali sa, bara upla sut kasak lukaia sa: Kraist Jisas ba naha tasba ra balan upla saurakira nani swaki sakaia, bara yang sika baha nani sut tila wina kau saura kapri ba.

1 Timoti 2:10

sakuna wark yamni nani wal, bara baku sika Gâd ra pliki mairka nani daukaia ba.

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.

1 Timoti 6:18

Witin nani ra smalki wis, diara pain ba daukbia, bara wark yamni nani mapara yuyakira taki kabia, bara wilin kabia dîa bri nani ba upla wala nani aikuki yui briaia.

Taitus 2:7

Man pali mita, diara sut mapa ra tânkam wal witin nani ra lâ mariki bas. Baha nani ra smalkma, kunin âpu, sunu lâka ra bara pulan ra lika apia.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 10:24

Bara yawan pana pana wan walka nani ra hilp munaia trai kaikaia sa, latwan lâka bri kaia bara diara yamni nani sin dauki kaia.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!

1 Pita 1:18

Bamna Gâd ba baha rayaka bahki, almuk nani wina briram ba tila wina swaki mai sakan; bara man nani pain kaikisma, wan swaki sakan mana ba lika, diara aisawi nani ba wal aibapras kan, gul bara silbar baku;

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.