Taitus 1:7 - DAWAN BÎLA AISKA

⁷ Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

Taitus 1:7 ပူးပေါင်းရင်းမြစ်များ

Blasi Sturka 49:6

Man nani asla aidrubi iwi lâ aisisma ba iwaikam ra, yu kumi sin iwaia brin ai daukras. Kupiam baiwi kan, bara man nani upla ikram, bara kupiam baiki bîp wainhka nani mina nani ba sin krikram.

Sins Lâka 14:17

Ya diara isti dadaukra ba lukras kira diara daukisa; ya kupia krauki smalki ba laman lâka ra sâp kabia.

Sins Lâka 15:18

Kupia baiwrira waitnika lika, unsaban bukisa; ya kupia swapni ba, unsaban ba lamni daukisa.

Sins Lâka 16:32

Kau yamni sa kupia swapni kaia wihki kupia karna kaia ba wal, kau yamni sa, ai wîna ra taibi muni pura lui ba wihki, tawan kum pura luaia ba wal.

Smasmalkra 7:9

Kupiam sauhkanka mita yarka mai brih wabiara, kan kupia sauhkanka ba, upla sinskas nani dukia sa.

Aiseya 28:7

Baha nani wain di pirwi tauki ba, wain karna piawi kisni taki ba di pirwi ai ninara wapi ba: prîs nani, prapit nani sin dih baku dauki ba; witin nani sut bla taki sinskas taki ba; wain karna di ai mina ra wapi ba, diara aihka kaikan ra sin pirwi kan bara bla sa, lâ daukan piua ra.

Isikiel 44:21

Prîs kumi sin wain diaia apia, kutbanka painkira latka bîla tani ra dimuya ba ra.

Libait Lâka 10:9

“Man, apia kaka luhpiam nani, Dawan wal aisaia tintka watla ra dimbia ba ra damra walma, kli wain dih dimbia apia. Wain bara bahmuna sâtka wala sut sin dima apia, pruma ra sîa. Naha lâka baku kulki ban kabia, bara aisa nani ai luhpia nani sut ra wibia naha lâka na.

Matiu 24:45

“¿Bamna ya pali ba alba kasak sinskira ba? Baha lika ai dawanka mita ai watla suliarka nani purara mangkan ba, witin nani ra piua kat plun dakakbia dukiara.

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

Taitus 1:5

Yang Creta kîka dakura ra mai swiri, diara nani kau wapnika mangkaia kan ba man mita daukma wisi; bara tawan bani ra sin serts almukka nani mangkaia, kupiam krauki dîa daukaia mai wîri ba tânka kat.

Taitus 2:3

Baku sin, serts almukka mairin nani ra wis, upla wal kulkan lâka ra iwaia, upla dahra kwahki kabiara, bara bla tatakra kabia apia. Witin nani ba diara pain ba kat smalkaia sa,

1 Pita 4:10

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.

1 Pita 5:2

Man nani mihtam ra Gâd sîpka nani mangkan ba, sepad nani baku main kaiki bas; bara wilin pali dauki bas, Gâd want ba baku, taibi mai muni baku lika apia. Wark ba lalah brin mai dauki pali baku lika daukpara, kuna upla dukia daukaia want pali baku dauks.

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;