Taitus 1:5 - DAWAN BÎLA AISKA

⁵ Yang Creta kîka dakura ra mai swiri, diara nani kau wapnika mangkaia kan ba man mita daukma wisi; bara tawan bani ra sin serts almukka nani mangkaia, kupiam krauki dîa daukaia mai wîri ba tânka kat.

Taitus 1:5 ပူးပေါင်းရင်းမြစ်များ

1 Kronikas 6:32

Dawan wal aisaia tintka watla ra witin nani aiwani kan, Salaman Jerusalem ra Dawan watla mâkan yua ba kat, bara ningkara Dawan watla ra witin nani ai natka ba kat ban aiwani kan.

Smasmalkra 12:9

Smasmalkra ba kau sinskira takan bara kau diara tânka kaikaia lâka upla ra smalki kan, baku sin wark tara brin, sins lâka stadi munaia, bara mahka ai tânka kat wapnika mangkan.

Aiseya 44:7

¿Ya wala yang wal baku bâra sa? Witin aisi tânka param saki ai wibia. ¿Ya sip kan upla ra wiaia, blasi pali ra bâra kan ba, bara naika ra kli dîa takaia ba aisaia?

Libait Lâka 14:42

Bara walpa wala raya nani bribia ba ra, walpa sakan ba watlika ra mangkaia, bara slaubla sin raya bribia walpa ba prakaia.

Apastil Nani Sturka 11:30

Baku bamna, witin nani mita Bernabé bara Saulo wal mihta ra lalah ba mangki, Judia serts tâ uplika nani ra blikan.

Apastil Nani Sturka 14:23

Bamna serts nani bani ra tâ uplika nani mangkan. Baha ningkara, Gâd ra luki plun piras kira ai pura suni, baha ba Dawan mihta ra mangkan, witin nani sut witinka ra kasak luki kan ba.

Apastil Nani Sturka 2:11

baha nani wina tila nani ba Ju nisanka pali, bara wala nani Ju takan nani ba sin. Creta, Arabia wina sin upla nani nâra sa, sakuna ban yawan wan bîla pali kat baha nani aisin yawan walisa, nahki Gâd mita diara aihka tara daukan nani ba dukiara.

Apastil Nani Sturka 27:12

Baha wâp ba lika plis pain apia kan lî auhaia piua ba luaia, bamna sut ban lukan kau pain kabia baha wina takaia, trai kaikaia sip kabia sapa Fenice alkaia, bahara lî auhi piua ba luaia. Baha lika Creta harbarka kumi kan, bara ai mawan ba yahbra muna tani bara waupasa tani ra kata.

Apastil Nani Sturka 27:13

Waupasa tani wina pâsa tawa krawi kan ba ra, luki kan sip kabia ban impakaia. Bamna witin nani mahka taki Creta kabuka un lamak impakan.

Apastil Nani Sturka 27:21

Yang nani yu ailal plun piras pali kapri bamna, Pal baha nani lilapas kat bûi, naku win: —Upliki nani, man nani bui yang bîli wali banhram kata, yawan Creta wina takaia apia kan, bara naha pâtka na sin wan alkaia apia kan, bara wan dukia nani sin lulkaia apia.

Apastil Nani Sturka 27:7

Yu ailal yang nani ban tawa impaki katna, trabil tara manis sin wan alkan, sakuna ban Cnido tawanka ra bal banhri. Pâsa ba sin wan mapa kat wan alki kan bamna, Creta kî dakura bâk kir tawi, Salmona lamak laki lui banhwatna.

1 Korint 11:34

Bara ani uplika plun pin daukisa kaka, baha ai watla ra piaia sa; bara baku mika man nani asla aidrubisma tânkam ba, Gâd mita klala maikbia apia. Diara wala nani ba lika, yang bui man nani ra mai kaikamna ba ra, wapnika mangkamna.

1 Korint 14:40

sakuna diara sut ba painkira bara wapni kat sin dauki kama.

1 Korint 4:17

Naha dukiara, Timoti ba man nani ra blikuna. Witin sika Dawan ra luhpi laitwankira bara kasak pali ba. Witin ba yang na Kraist ra lalukra baku nahki iwisna tânka ba man nani kupiam kraukbia, plis sut ra serts bani ra smalkisna ba baku.

Kolosi 2:5

Bamna yang lika man nani tilamra upla baku natka ra âpu sna, sakuna spirit baku lika man nani tilamra sna, bara yang âiyapah ai daukisa kaikaia, man nani sut lika diara wapni kat daukisma, bara aikuki asla kasak lukankam lâka ba Kraist ra bri banhwisma.

1 Timoti 1:3

Mahka Macedonia tasbaya ra waia tauki kapri ba ra, pat mamkabatna ba baku, yang want sna man Epesus tawanka ra takaskma. Bahara upla tila nani smalkanka kunin baman aisi smalkisa, bara man baha nani ra adar yas baha ba mahka swibia.

2 Timoti 2:2

Witnis ailal mawanra yang aisari bîla nani walram ba, baha ba upla kasak nani mihta ra mangks, witinka nani mita upla wala nani ra smalkaia sip kabia ba.

Taitus 1:12

Sim Creta kîka dakura wina prapit kum bui sika ai tahkia nani ra naku aisin: “Creta uplika nani ba, ban kuninkira nani sa, daiwan kraskira nani, bîla maihsira nani bara sringwaskira nani sin.”