Taitus 1:4 - DAWAN BÎLA AISKA

⁴ Taitus, kasak lukan lâka ban bri ba tânka ra luhpi aihwa sma ba, naha wauhkataya mai ulbisni. Gâd wan Aisa bara Dawan Jisas Kraist wan Sasakra wal mita man ra yamnika maikbia, bara kupia kumi lâka sin.

Taitus 1:4 ပူးပေါင်းရင်းမြစ်များ

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Jan 4:42

Bamna Sameria uplika nani mita mairin ba ra win: —Nanara yang nani kasak lukisni, man wan wiram ba baman apia, kuna yang nani pali mita witin wina walri bamna; bara yang nani sin tânka brisna, witin ba kasak sa tasba aiska Swaki Sasakrika sa.

Roman 1:12

baha tânka ba lika, kasak lukan lâka yang bara man nani brisma ba ni pana pana hilp munaia.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

2 Korint 12:18

Man nani mai kaikaia Taitus ra makabi blikri ba ra, wan muihni wala kum ba sin blikri. ¿Taitus mita kunin mai munan ki? ¿Kasak apia yang nani wâl ba sim sât tâinka briri, bara sim spiritka sin bri banhri?

2 Korint 2:13

Kuna kupi sip lilia apia kapri, wan muihni Taitus wal prawras kapri bamna. Baha mita, uplika nani ba ra lakula baman wih, mahka taki Macedonia tasbaya ra wari.

2 Korint 4:13

Ulbanka ba wisa: “Kasak lukri, baha mita yang aisari”; bamna baha baku natka ra, yang nani sin baha kasak lukan daukanka ba, yang nani kasak lukisna bara sin aisisna.

2 Korint 7:6

Sakuna Gâd, witinka swapnikira nani ra karnakira saki ba karna wan sakan, Taitus balan ba ra;

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.

2 Korint 8:23

Upla kumi Taitus dukiara makabi walbia kaka, wis witin na lika yang pâinika sa bara aikuki asla wark dadaukra nani banhwisna man nani dukiamra. Wan muihni wala wâl ba dukiara makabi walbia kaka, wis baha nani lika serts nani ba mita blikan sa, bara Kraist ra mayuni banhwisa.

2 Korint 8:6

Bahamna, yang nani Taitus ra makabri, naha latwan lâka lalah sakaia warkka na man nani tilamra aiska pali daukbia, kainara pat witin daukata ba baku.

Galesha 2:3

Sakuna Taitus pali sin yang wal tauki kan, bara witin Ju apia kan ba, Aisa sainka bribia dukiara taibi munras kan.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Epesus 1:2

Gâd wan Aisa bara Dawan Jisas Kraist wina, yamnika nani bara kupia kumi lâka ba man nani bri kama.

Kolosi 1:2

naha wauhkataya ulbisna, Kolosi tawanka ra Gâd uplika nani bara Kraist ra kasak luki nani bahara iwi banhwi ba sut ra. Gâd wan Aisa mita ai kupia yamni lâka bara kupia kumi lâka sin man nani puramra blîkbia.

1 Timoti 1:12

Wan Dawan Jisas Kraist ra yang tingki wisni, witinka mita warkki na daukamna wisi karnika aikan. Witin ra tingki wisna yang ra kasak ai kulkan bamna, bara ai warkka daukamna wisi ai mangkan bamna.

2 Timoti 1:1

Yang Pal, Jisas Kraist apastilka sna, Gâd kupia lâka ai blikan uplika, Dawan Kraist Jisas wal asla lâka ra, rayaka bri kaia pramiska wankan ba, yang aisi smalkamna dukiara.

2 Timoti 1:2

Luhpi laitwankira Timoti, naha wauhkataya mai ulbisna. Gâd Aisa bara wan Dawan Jisas Kraist wal mita, ai kupia yamnika lâka, umpira kaikan lâka bara kupia kumi lâka sin man puramra laikbia.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

Taitus 1:3

bara nanara, ai piua pali ba kat, baha ba latan wan marikan sa, ai bîla blikan ba bâk. Baha ba yang mihti ra mangkan sa, bara Gâd wan Sasakra adarka mita yang aisi smalkri.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.

2 Pita 2:20

Baku sin, baha nani wan Dawan Sasakra Jisas Kraist wal kakaira takan ba, witin nani lika naha tasba tâskika wina swak takan sa, sakuna baha diara tâski nani ba mita kli blaki pura lubia kaka, witin nani lika kanra kata ba wal kau saura takan sa.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

2 Pita 3:2

Kupiam krauki bas, kaina piua ra prapit holikira nani dîa aisin ba, bara Dawan wan Sasakra lâka, apastil nani mita man nani ra mai smalkan ba sin.

1 Jan 5:14

Bamna yawan lika Gâd ra wan kupia mangki lukisa, kan yawan kaikisa, witin ai kupia lâka kat dîa dîa makabuya ba wan walisa.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.