Taitus 1:3 - DAWAN BÎLA AISKA

³ bara nanara, ai piua pali ba kat, baha ba latan wan marikan sa, ai bîla blikan ba bâk. Baha ba yang mihti ra mangkan sa, bara Gâd wan Sasakra adarka mita yang aisi smalkri.

Taitus 1:3 ပူးပေါင်းရင်းမြစ်များ

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 45:15

Ban sakuna, man sika Gâd kum wan nakra ni kaikras, Gâd, Israel swaki sasakra.

Aiseya 45:21

Man nani baku pana pana aisaia want sma kaka, aisi banhs dîa muni ba wis, pana pana makabi wals: ¿Ya mita blasi wina naha sturka na kaiki dahra aisan? ¿Kan pali piu ba wina sturka nani ba ya aisi kaia? ¿Yang Dawan aisi katna apia? Bara Gâd wala kum âpu sa yang wina tnaya ra. Yang tnaiya ra Gâd wala âpu sa pura lalura, swaki sasakra ba.

Daniel 11:27

Bamna king wâl ba, diara sauhkaia dukiara baman luki ba aikuki asla tibil kumi ra iwbia plun piaia, bara pana pana kunin aisabia, sakuna wâl ba wina kumi sin diara luki ba bribia apia, kan piua ba kau sa bamna.

Daniel 8:23

‘Naha kingka lâka nani tnata alkbia ba ra, saurka nani ba ni âuya mâira lâka ra karnika ba alki bribia.

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Abakuk 2:3

Naha tânka param mariki kaia piua aimakaia ba kau sa, sakuna piua ba aimakras kaia lika apia, piua pali bal aimakaia sa. Bamna man baha piua aimakuya ba bîla kaiki bas, ban kra kau takaski kabia sakuna.

Mark 1:15

Jisas naku aisi kan: “Pat piua ba aimakan sa, bara Gâd king aimaki ba lâka sin pat baila sa. Gâd ra kupiam laks, bara sturi yamni ba bris kasak lukan lâka wal.”

Mark 13:10

Bara sturi yamni ba piua tnata aimakras kainara, tasba aiska ra aisi smalkan kaia sa.

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Luk 1:47

yang kupi sin lilia sa Gâdki Sasakra ra.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 17:26

‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,

Roman 15:19

Wark aihka nani bara sain nani karnika ba ni, Gâd Spiritka karnika ba mita sin, Kraist swaki wan saki sturka ba baku natka ra smalkaia sip kapri, ban Jerusalem wina bara sim baku plis wala nani sut ra, bara Iliria tasbaya kat sin.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

Roman 16:26

sakuna nanara baha tânka ba param marikan sa prapit nani bâk Ulbanka mita, Gâd ban rayakira adarka ba kat. Naha dahra yukukan kan tânka na nisan sut ra param marikan sa, kasak lukbia bara bîla kat wali daukbia.

Roman 5:6

Kan yawan sip swak takras kan ba ra, Gâd mita piua mangkan ba kat, Kraist lika saurakira nani ba tâwan pruan.

1 Korint 9:17

Baha mita, kupi lukanka wina daukuna kaka, yang maina briaia sna. Sakuna ai taiban baku daukuna kaka, baku sin baha ba wark kum Gâd wina aikan sa.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Epesus 2:17

Kraist bal upla sut ra kupia kumi sturka yamni ba smalkan, man nani laihura nani katma ba sut ra, bara Ju nisanka sut, Gâd lamara kan nani ra sin.

Pilipai 1:13

Bamna wihta tara suldiarka nani bara wala nani ba sin kaikisa Kraist tâwan silak watla ra sna ba.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

1 Tesalonaika 2:4

Sakuna, yang nani lika piua sut dîa Gâd want ba kat aisisna, kan witin mita trai wan munan, bara sturi yamni ba smalki kamna wisi aikan. Yang nani mita upla nani dîa brin dauki ba kat daukras, kuna Gâd brinka ba kat mika, witinka wan kupia nani tânka pliki kaiki ba.

1 Timoti 1:1

Yang Pal, Jisas Kraist apastilka sna, Gâd wan Sasakra bara Dawan Jisas Kraist adarka mita ai blikan, witinka wina yawan wan kainara diara briaia luki ba,

1 Timoti 1:11

Naha smalkanka kasak na lika, Gâd yamni pali ba, swak sakan lâka pranakira ba, bara baha sika yang mihti ra mangkan ba, aisi smalkamna dukiara.

1 Timoti 2:3

Naha na pain sa, bara Gâd wan Sasakra mita sin yamni kaikisa;

1 Timoti 4:10

Naha dukia tâwan sika yawan wark karna takisa, bara upla mita sin saura wan wisa, kan yawan na wan kainara diara briaia ba, Gâd rayakira kat brisa, bara witin sika upla sut Sasakrika ba, bara kau pali lika kasak luki nani ba.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Taitus 2:10

implikbiara, sakuna baha nani ra marikbia, witin nani ba upla pain, kasak lâka sin brisa. Bara baku mika, witin nani dîa dauki ba kat upla nani mita kaiki, Gâd wan Sasakra smalkanka ba painkira sa wibia.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

Param Marikanka 14:16

Bamna kasbrika purara iwi kan ba ai isparka ba tasba ra lulkan, bara tasba ra mâ nani ba dâkan.