Taitus 1:11 - DAWAN BÎLA AISKA

¹¹ Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Taitus 1:11 ပူးပေါင်းရင်းမြစ်များ

Lawana Nani 107:42

Naha kaiki bara upla pain nani lilia takisa, bara saura nani ai bîla prakisa.

Lawana Nani 63:11

Sakuna king ba lika, Gâd ra lilia tara bribia; witin ra swer taki lilia lawana aiwani mayuni kabia, sakuna kuninkira nani bîla ba lika, prakan kabia.

Jirimaya 8:10

Baha tâwan mairkam nani ba waitna wala nani ra yabaisna, tasbayam nani ba sin upla wala nani baha dawanka aimakbia. Kan upla almuk nani ba, tuktan nani bara upla sut, saura dauki wina baman lalah briaia lukisa; prapit nani ba, prîs nani ba sin sut upla ra taibi lalahka dakbaia warkka daukisa.

Isikiel 13:19

Man nani, barli mâ mihtam banhki bri bara brit pîs ba wal, upliki nani mawanra swiri paskisma; upla nani pruaia apia kata ba ikisma, bara raya kaia apia pruaia kata ba baha lika swiram raya sa. Baku upliki nani ra kunin munisma, kunin lâka ra kasak luki nani ba.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Miqueas 3:5

Yang tawanki uplika nani ba lika, yabal saura bara tiwan bâk impakisa, prapit kunin muni ba tâka mita. Baha nani ya bui plun yabi nani ra, kupia kumi lâka dukiara aisi wisa; sakuna war aiklabaia lâka bukisa, baha nani bui witin ra plun yabras ba mapara. Dawan ba mita baha prapitka nani ra wisa.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Luk 20:40

Bara baha wina witin nani kli Jisas ra diara makabi walaia lukras kata.

Jan 10:12

Sakuna wark taki uplika ba lika ai mana briaia dukiara baman wark takisa; bamna ani piua yul wail kaikan aula ba ra, sîpka nani ba swi si plapisa, kan witin ba sepad apia sa, bara sîp nani ba sin ai dukia apia bamna. Baku bamna, yul wail ba mita sîp nani ba alkuya, bara yakabrira baman daukuya.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

2 Korint 11:10

Kasak daira walisna, Kraist kasakka tânka ba yang ra sa, bamna baha âuyapah lâka yang brisna ba Acaya tasbaya aiska ra upla âpu sa ai dakbaia.

1 Timoti 5:13

Witin nani sin upla watla ra kirhbi wih sturi bahki baman aisi ai taimka ba bahki ra baman tikaia lan takisa; sakuna kau saura pali, witin nani ba upla nina aisaia bara upla bisniska tilara dimaia lan taki banhwisa, bara diara aisaia apia nani ba baman aisi taukisa.

1 Timoti 5:4

Sakuna piarka kum luhpa nani, apia kaka ai mula nani brisa kaka, witin nani ba ai watla uplika nani ba kristian lâka bri kaia ba pas lan taki banhbia: ai taya nani ra bara ai aisika nani ra latwan lâka ba bri banhwi ba yabisa, kan naha na pain sa bara Gâd sin pain kaikisa.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

2 Timoti 2:18

Naha nani wâlsut na, kasak tânka ba wina tnaya ra takan sa, bara witin nani aisisa, pruan wina kli buaia lâka ba pat lui wan, bara baku lalukra tila nani kasakka lukanka lâka ba, aihka baman laki taukisa.

2 Timoti 3:6

Kan naha nani upla wina upla nani bâra sa, witin nani lika upla watla ra dimi, mairin sinskas nani, saurka baman banhki bri nani ba ra kunin munisa. Naha mairka nani ba brinka karna sât sât mita taibi brisa,

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

Taitus 1:9

Sturi kasakkira witin ra smalkan ba kat, ban alki bri kaia sa, bara baku mika upla wala nani ra smalkanka pain yabi, witin sip kabia tâ baikaia, bara baha smalkanka mapara nani ba sin kupia alkaia.

Taitus 3:10

Upla kum mita serts ra dakwi takan lâka daukisa kaka, witin ba aima kumi, apia kaka aima wâl kupia krauks, bara bîlam walras sa kaka, kangbi sâks;