Sofonías 3:3 - DAWAN BÎLA AISKA

³ Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Sofonías 3:3 ပူးပေါင်းရင်းမြစ်များ

Sins Lâka 28:15

Layan ihbi ba, wingku tara sin plun wahwi ba, baku sa upla wihta watawikira kum, umpira uplika nani wihtka aimaki ba.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 5:29

witin uhbi ba layan baku kabia, ai napa nani arkbia, daiwan kum ra pâli prak alkbia baku, swiaia tânka âpu, upla kumi sin witin ai bîla wina dakbi sâkbia apia.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Jirimaya 23:11

Dawan kasak aisisa: “Prapit nani bara prîs nani ba sin saura baman banhwisa; tempelki bilara saura dauki kan alkri.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Isikiel 22:6

Bahara sa Israel tâ brabrira nani ba, man tilamra iwi ba, bara nahki ikaia lâka sip ba kat dauki ba.

Isikiel 33:26

Ikaia dukia nani wal taiban lâka daukisma, yang misbara kaikisna dukia daukisma, sut marit lâka sauhkisma, ¿bara lukisma kuntrika dawanka taki banhma?’

Abakuk 1:8

Ai araska nani ba limi bulni wal kau karna plapisa, upla iwras pliska ra yul wail nani kraskira bâra ba baku kraskira nani sa. Ai araska âiulra nani ba, ailal pali plapi aula, bara kau laihura aula ba wina pat rau wan sauhkisa, yakal tara ai daiwra nani pliki sakan ba purara kauhi baku.