Sofonías 3:20 - DAWAN BÎLA AISKA

²⁰ Baha piua ra, man nani sut kli mai bri balamni, asla mai daukamni. Tasba ra upla nani sut bâra ba tilara man nani iwankam natka ba lakamni yamni mai kulkaia ra, bara kulkanka yabamni bara rispikka lâka sin. Yang, Dawan, baku aisisni.”

Sofonías 3:20 ပူးပေါင်းရင်းမြစ်များ

Lawana Nani 35:6

¡Ai yabalka ba tihmia tara, lalauhra baman kabia! ¡Dawan insalka witin nani ra baku rausauhkbia!

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Aiseya 60:15

Kli misbara mai kaiki, yakan mai lulki mai swibia apia, yang mita daukamna man pramna ba ban kaia lilia ba man wal ban kaia.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Aiseya 62:7

man nani ris yapara, Jerusalem ba kli mâkbia ba kat bara yarka tasba aiska ba mita mayunbia.”

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 30:3

yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Isikiel 16:53

‘Yang Sodoma ra bara Sameria ra yamnika lâka ba kli laki yabamna, ai tawanka sirpi sut ra, bara man ra sin pâwaia lâka ba maikamna.

Isikiel 28:25

“Yang Dawan sna ba, naku wisni: Asla daukamna Israel ba, nisan nani tilara yakabrira ba wina; bara marikamni holikira sna lâka ba, nisan nani nakra ra. Israel klauna ai kuntrika ra iwbia, baha kuntrika Jekob, duki dadaukra ra yabatna ba.

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Isikiel 37:12

Bamna aitani, yang nini bri smalks bara wis: ‘Dawan ba naku wisa: Yang upliki, man nani raitikam kwâkamna; baha wina mai sakamna Israel tasbaya ra kli tawi waia.

Isikiel 37:21

Ningkara wis: ‘Dawan naku wisa: Israel ba nisan wala tilara wih takaskan ba wina sakamna; asla daukamna plis sât sât wina bara yabrika ai tasbaya ra kli tawbia.

Isikiel 39:13

Upla sut ba diara dauki kabia naha nani bikaia, bara kulkanka kum kabia witin nani mapara. Baha yua ra yang pranakira param takamna. Yang, Dawan, kasak aisisna.

Isikiel 39:28

Yang mita blikri alki bri waia nisan tringsar nani tilara, bara yang kli asla daukamna aima wala ra ai tasbaya ra. Kumi sin ai tasbaya wina alki bri wabia apia. Baku mika ai dara walbia, yang sika ai Dawan Gâdka sna ba.

Joel 3:1

Dawan aisisa: “Baha piua nani bal aimakbia ba ra, yang daukamna, upla nani Juda bara Jerusalem wina saki alba briaia priski brih wan nani ba kli balaia.

Emus 9:14

Upliki Israel nani priski tasba wala ra brih wan ba, yang kli bri balamna, tawanka nani sauhki swin kabia ba sin, witin bal kli paski bahara iwbia, wain nasla nani sin daukbia, wain laya sin di kabia, insla nani dauki plun mangki ai pata mâ nani saki pi kabia.

Miqueas 2:12

Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Sofonías 2:7

Juda uplika nani baha yua pâtka ra pruras swak takan kabia nani ba, Dawan ai Gâdka, witin nani tâwan aimaki balbia bara ai kuntrika ba bribia, bara piua yamni ra witin nani dimbia. Bara bahara ai daiwra daknika nani ba kaiki tihmia ra Ascalón watla nani ra dimi yapi kabia.

Sofonías 3:19

Baha piua mai taibi bri nani sut ba mapara buamni. Sîpki prutwi nani ba tâ baikamni, bara aimawahki nani ba sin asla kukamni; tasba aiska ra witin nani ai nina ra yamni kulki mayuni aisaia daukamni bahki kulkan kan lâka ba wina.

Sakaraya 8:13

Juda bara Israel luhpia nani, man nani nisan nani tilara mai lahtuban uplika nani kapram, baku sin nanara, yang bui man nani sut sma ba swaki mai saki yamni mai munan uplika nani mai daukamna. ¡Sakuna man nani si bripara! ¡Man nani karna bûi bas!”

Sakaraya 8:8

bara Jerusalem kat brih wamna bahara iwbia wisi. Baku ba ra witin nani ba yang upliki kabia, bara yang lika ai Gâdka kamna, kasakka lâka ra bara lâ wapni daukaia lâka ra sin.”

Malaquía 3:12

Nisan nani sut wibia man nani lilia pali sma, kan man tasba aihka painkira ra iwma ba dukiara. Yang, karnika sut alki brisna Dawanka ba, baku aisari.”

Kli Smalkanka 26:18

Dawan mita sin naiwa param aisin sa man ba Israel, man ba witin ai dukia sma, pramis mai munan ba baku, man nani ai lâka bîla ba sut daukma.

Kli Smalkanka 26:19

Witin mita man wina nisan kum purara mai daukbia, mamyunra sin brima. Nisan wala nani purara sturkam ba tara kabia bara kulkanka sin maikbia, bara witin mai win ba baku kama, tawan kum yamni munan Dawan Gâdkam dukiara.”