Sofonías 3:18 - DAWAN BÎLA AISKA

¹⁸ lilia tara dauki yua ra aiwani ba baku. Dawan kasak aisisa: “Swiram dauki saura mai munaia luki ba wina, dakbi mai sakamni, swira lâka nani puramra kahbi ba wina sin.

Sofonías 3:18 ပူးပေါင်းရင်းမြစ်များ

Lawana Nani 79:4

Wan lamara iwi uplika nani ba, yang nani laiwaska kikisa, wan tnaya kir iwi nani ba sin kikisa.

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Inanka Nani 1:4

¡Nahki sari pali sa, Saion ra waia yabalka nani ba! ¡Upla kumi sin âpu sa liliaka nani ra balaia! Tawan getka nani sut ba bîla baman swin sa, prîs nani ba inisa, tiara nani ba sari takisa, bara Jerusalem pât wahwanka ba tahpla pali sa.

Inanka Nani 1:7

Jerusalem ai kupia kraukisa baha yua nani kata ba, yakan bâra takaskan bara sari baman kan; ai kupia ra lukisa nahki yuyaka ailal bri kata ba dukiara piua luan nani ra; ai kupia kraukisa waihla nani mihta ra kauhan piua ra, bara upla kumi sin waras kan hilp munaia, ai waihla nani kaikan bara lawaska kikan ai kauhanka ba dukiara.

Isikiel 34:13

Kuntri tringsar ba wina sakamna, asla daukamna bara brih wamna klauna ai tasbaya ra. Brih wamna Israel untika ra piaia, bara lî kârma nani bâk, bara kuntri ra upla bâra pliska nani bâk.

Isikiel 36:24

Yang mai sakamna baha kuntrika bara nisanka tila ba wina; asla daukamna bara yabrika ai tasbaya ra kli balbia.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

Oseas 9:5

¿Lilia daukaia yua ra, man nani dîa daukma, sâpkira Dawan wal lilia takaia?

Sofonías 3:20

Baha piua ra, man nani sut kli mai bri balamni, asla mai daukamni. Tasba ra upla nani sut bâra ba tilara man nani iwankam natka ba lakamni yamni mai kulkaia ra, bara kulkanka yabamni bara rispikka lâka sin. Yang, Dawan, baku aisisni.”