Sofonías 3:17 - DAWAN BÎLA AISKA

¹⁷ Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Sofonías 3:17 ပူးပေါင်းရင်းမြစ်များ

Blasi Sturka 1:31

bara Gâd kaikan diara nani witin paskan ba sut yamni pali kan. Bara baku natka ra yu matlalkahbika ba tnata alkan.

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Blasi Sturka 2:2

Gâd ai warkka nani daukan ba yu 7 kat paski tnata alkan, bara ris brin.

Lawana Nani 149:4

Dawan lika ai uplika nani dukiara ban yamni lukisa; witin bawikira nani ra pura luaia lâka ba yabisa.

Lawana Nani 78:65

Sakuna Dawan ba kli rawan, yapan wina bûi ba baku war aiklaklabra, wain dih bla taki yapi si bûi ba baku,

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 18:4

Dawan bui ai win: “Pliski ba wina trabil âpu kira kaiki kamna sin, mani piua ra lapta ingni pali taki baku, diwas laya kasbrika bitni pali piua ra buski ba baku, sâp kamna.

Aiseya 63:1

—¿Naha ya Bosrá wina aula ba, Edom kiapitalka ba wina, ai prâka ba laya pauni ni pauni daukan ba, ai prana tara wal ai prâka dimi aula ai karnika tara wal wapi ba? —Yang sika, aiklabi pura luaia ba dukiara aisisna ba, bara karnika brisna swaki sakaia.

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Aiseya 65:19

Bara yang pali sin, Jerusalem wal lilia takamni, yang upliki nani wal sin âiyapah kamni. Witin nani ai inanka bîla baikra ba kli walan kabia apia, ai winanka bîla baikra sin apia.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Oseas 14:4

Dawan aisisa: “Upliki nani maipara buaia sikniska bri ba sîka daukaisna; witin nani ra ban latwan kaikaisna, latwan kaikaia apia uplika nani takan sakuna, witin nani mapara lawanki tara briri ba pat luan sa bamna.

Joel 2:21

Tasba, man si bripara, âmyapah liliam pali bas; Dawan diara tara nani daukaia sa bamna.

Sofonías 3:15

Dawan pât ra mai lakaia mampara aisin ba kli swin, bara waihlam nani ba kangbi sakan. tilamra sa; Dawan, Israel kingka, man nani bara diara saura kumi sin sîa yama apia.

Sofonías 3:5

Sakuna Dawan baha tawanka tara bilara sa; witin yamni baman daukisa, saura lika apia. Titan bani ai piua kat ai lâka ba bapisa, ban sakuna, saura dauki nani ba ai swira lâka ba tânka sin briras.

Kulki Kaikanka 14:8

Yawan wan dukiara Dawan yamni lukbia kaka, witin mita baha tasbaya ra wan brih wabia, wan mihta ra sin mangkbia. Baha tasbaya ra tialka laya nasma wal ba lî laiwi baku sa.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 15:11

“Baku aisisna man nani ba yang wal lilia kama ba dukiara, bara lilia pali kama.

Kli Smalkanka 23:15

“Alba kum ai dawanka wina plapi man nani ra wih yukuwaia pliska makabia kaka, kli dawanka ra laki yapara.

Kli Smalkanka 30:9

Baku bamna, man nani sut daukma ba Dawan mita ailal maikbia, luhpiam nani ra, daiwram luhpia nani ra, patam mâ, Dawan Gâd bui man nani ra pain lukbia, damikam nani ra lukan ba baku.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.