Sofonías 3:10 - DAWAN BÎLA AISKA

¹⁰ Upliki nani Etiopía awala baila wala ra yakaban nani ba, baha wina prisantka nani brih, ai pura suni bri sal aikbia.

Sofonías 3:10 ပူးပေါင်းရင်းမြစ်များ

Lawana Nani 68:31

Idsip wina kuntri lengstarka nani balbia Etiopía uplika nani ba Gâd mapara ai mihta nani bukbia.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 11:12

Witin nisan nani mawanra sain kum sunbia, Israel luhpia nani laihura yakaban nani ba asla daukbia, bara tasba tâ walhwal ra, Juda uplika nani yakaban ba asla daukbia.

Aiseya 18:1

Saura kabia baha tasbaya wina, daiwan lupia nani tnawa binka dauki ba, Etiopía awalka nani baila wala ra bâra ba;

Aiseya 18:7

Baha piua ra karnika sut bri ba Dawanka ra, prisantka nani brih balbia, baha uplika nani yakura taya lipni nani, ani anira nisan wala nani mita sîa ba karnakira prautkira nani ba wina, ai tasbaya ra awala nani kir bâra iwi ba, prisantka nani ba Saion ilka ra brih balbia, karnika sut bri ba Dawanka ra baha ra ai pura suni ba ra.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Jan 7:35

Bamna Ju nani pana pana tawi makabi wali kan: —¿Naha na anira waisa ki, sip wal prawras kabia wi ba? ¿Apia kaka Ju nani ra waisa, tringsar nani tilara yakabrira iwi ba ra, idan nani ra smalkaisa?

Apastil Nani Sturka 24:17

“Mani ailal plis wala nani ra baman tauki katna ba wina, yang pali tasbaya ra kli balri, upliki nani ra prisant yaia, bara sakripais sin daukaia.

Apastil Nani Sturka 8:27

Pilip mahka ridi taki wan. Witin auya kan ba ra, yabal ra Etiopía kuntrika wina waitna kum wal prawan. Witin ba sin yunok kata, Etiopía kwinka Candace suliarka nani wihtka tara kum kan. Witin sin Etiopía kwinka ba lalahka main kakaira kan, bara witin na Jerusalem ra balan Gâd ra ai pura sunaia.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

1 Pita 1:1

Yang Pita, Jisas Kraist apastilka, naha wauhkataya ulbisna baha nani ai tasbaya ra iwras, tasba wala nani ra wi ba, Ponto, Galesha, Capadocia, Asia bara Bitinia tasbaya nani ra aihka aihka iwi nani ba ra.