Sofonías 2:7 - DAWAN BÎLA AISKA

⁷ Juda uplika nani baha yua pâtka ra pruras swak takan kabia nani ba, Dawan ai Gâdka, witin nani tâwan aimaki balbia bara ai kuntrika ba bribia, bara piua yamni ra witin nani dimbia. Bara bahara ai daiwra daknika nani ba kaiki tihmia ra Ascalón watla nani ra dimi yapi kabia.

Sofonías 2:7 ပူးပေါင်းရင်းမြစ်များ

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

Lawana Nani 80:14

Gâd karnika sut bri ba, kli tawi bal, pliskam; kasbrika purara ba wina wan kaiks, bara naha wainka kiwka dukiara, man nani luki kaiks,

Lawana Nani 85:1

Dawan, man naha kuntrikam na wal pain pali kapram. Jekob liliaka kata ba kli laki yabram sa.

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 11:14

Witin nani wâlsut ba muna tani bâk filisteo nani ra wabia, nina tani tawi ba ra; mapara aiklabia, asla lalma tani tawanka nani dukia kukan ba dakbia. Ai karnika ba Edom, Moab bara Amón uplika nani ra taibi bribia.

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 32:14

Lâ watla tara nani ba sut, upla iwras tasbaya baku takaskbia, tawan tara ra upla kwâra ba âpu takbia; utla karnakira nani ba sin batakan kabia; bahara biriku wail nani ba takaski kabia, bîp wakabi piaia watla bribia.

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 29:10

“Dawan aisisa: ‘Babilon ra 70 mani piua yari ba lubia ba ra, yang bui man nani ra pramis mai munri ba daukamna man nani ra yamni lukri ba baku tasbayam ra kli mai brih waia.

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Jirimaya 30:3

yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 31:7

Dawan ba wisa: “Lilia ni aiwans bara Juda tawanka dukiara liliakira bas, kau pali ba nisan nani sut dukiara. Pain wals mayunanka ba, bara wis: ‘Dawan bui ai uplika nani swaki sakan, Israel ra kau takaskan kan ba.’

Jirimaya 32:44

Tasbaya ba witin nani atkbia ba ra, atkan wauhkataya nani ulban ba sîl prakan ba witnis nani ai nina ulban ba sin kaikbia. Baha baku takbia Benjamín tasbaya ra, Jerusalem kir bara Juda tawanka nani ba sut, il nani tasbaya ba twi langni nani ba sut, Négueb tawanka nani ba, yang daukamna baha uplika nani sut kli tawi balaia. Yang, Dawan, kasak aisisna.”

Jirimaya 33:12

Dawan karnika sut bri ba aisisa: “Naha kuntrika nanara bîla man swin na, upla âpu daiwan nani sin âpu, tawanka nani kumi bani ra kli sîp nani pâwbia bara sepad nani bahara ai daiwra nani dakaki kabia.

Jirimaya 33:7

Juda uplika nani Israel luhpia nani ba kli bri balamna, bara blasi witin nani nahki pain kan ba kli baku kaia daukamna.

Jirimaya 47:5

Gaza uplika nani ai tâwa irbia, Ascalón uplika nani sip aisaras takbia. Blasi upla tarka tara nani kan ba wiria takaskan nani, ¿ahkia kat man tamya ra klaki ban kama sari brisma tukinka ba?

Isikiel 39:25

“Baha mita, yang Dawan sna ba, wisni: Nanara kupi pihni lâka brimni Israel uplika aiska dukiara, Jekob kiamka nani dukiara. Yabaisni nahki kaia ba, bara taibi munaia nini ba kulkanka tara yabia dukiara.

Oseas 6:11

Bara Juda, man dukiamra sin, klala briaia piua ba, yang pat aisari sa. “Upliki Israel luhpia nani ba kli piua yamni yabaia lukuna ba ra,

Abdías 1:19

Israel luhpia nani Négueb wina bal, Isau ilka tasbaya nani ba bribia; bara twi langnika tasbaya ra iwi nani ba bal filisteo nani tasbaya ba alki bribia. Israel luhpia nani Efraín tasbaya Sameria sin alki bribia; bara Benjamín lika Galaad tasbaya alki bribia.

Miqueas 2:12

Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Miqueas 4:10

Saion tawanka, latwan saura brih ini bas, mairin luhpa baikaia latwanka brih ini baku, kan nanara man nani tawankam wina mai kangbi mai sakuya, bara twi tasbaya ra iwi kama, ban Babilon kat mai brih wabia. Sakuna baha kat pri takma, kan bahara sika Dawan bal waihlam nani mihta wina mai dakbi mai sâkbia.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Sofonías 3:20

Baha piua ra, man nani sut kli mai bri balamni, asla mai daukamni. Tasba ra upla nani sut bâra ba tilara man nani iwankam natka ba lakamni yamni mai kulkaia ra, bara kulkanka yabamni bara rispikka lâka sin. Yang, Dawan, baku aisisni.”

Hageo 1:12

Zorobabel, Jasua, uplika wala nani sut sin, prapit Hageo Dawan bîla dahra aisin ba walan, bara witin nani sibrin daukan, baku aisaia sika Dawan Gâd bui witin ra win ba.

Hageo 2:2

bara witin ra win nanara Zorobabel ra, Jasua ra, bara tawan uplika nani sut ra wibia:

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Apastil Nani Sturka 8:26

Naha ningkara, Dawan insalka kumi Pilip ra win: “Man bus bara waupasa tani ra was, baha yabalka Jerusalem wina Gaza ra iwi auya bâk.” Naha yabalka na lika upla iwras tasbaya ra sa.

Apastil Nani Sturka 8:40

Pilip ai dahra walan, witin ba Azoto ra kan. Bamna witin tawan bani ra wapi, sturi yamni ba smalki ban Sesaria kat wan.

Roman 11:5

Baha sim natka ra naiwa yua Israel luhpia nani kau dakni sirpi swin ba lika, Gâd ai kupia latwanka ra baha nani ba bâk saki brin.

Rut 1:6

Bamna yu kumi Noemí ai piarkika nani aikuki mahka Moab tasbaya wina taki waia buan, kan sturi walan Dawan bui ai uplika nani ra kli yamni kaikan, bara nanara baha tasbaya ra yan plun takisa.