Sofonías 2:3 - DAWAN BÎLA AISKA

³ Bawikira nani sut tasba aiska ra, Dawan lâka bîla wali dauki nani sma ba, man nani sut Dawan ra pliks. Bawikira lâka ra, wapni lâka ra diara nani dauks, baku kra yukuwaika sâkma, Dawan lawanka yua ra.

Sofonías 2:3 ပူးပေါင်းရင်းမြစ်များ

2 Samuil 12:22

Debit pana win: —Tukta ba raya kan ba ra, yang kaiki plun piras ini kapri. Yang lukri Dawan ba ban kra umpira ai kaikbia ban swika tukta ba prubia apia.

Lawana Nani 105:4

Dawan ba pliks, ai karnika ba sin; piu bani Dawan ba pliks.

Lawana Nani 149:4

Dawan lika ai uplika nani dukiara ban yamni lukisa; witin bawikira nani ra pura luaia lâka ba yabisa.

Lawana Nani 22:26

Taiban ra uplika nani sma ba plun pis, man nani aibanhwisma ba kat; man nani bui Dawan plikisma ba, witin ra mayuns, bara mani ailal raya kama.

Lawana Nani 31:20

Man bâra sma ba kan kahbanka wal, watawikira nani mita saura munaia luki ai lâka nani dauki ba wina pri sakisma; waihla nani mita waihla kulki swira paski ba, wina, wamtla bahna munhtara yukuki brisma.

Lawana Nani 45:4

Man pramna ba sika, pura lui kainamra auya, kasak tânka ba dukiara aiklabi kaia sa; bara kasakka lâka daukaia, upla bawikira nani ra bara mihtam aihkika ba, ¡kupiam karnika tara ba warkka daukisa!

Lawana Nani 57:1

Gâdki, kupiam swapni ai kaiks, swapni ai kaiks; yang lika man ra yukuwaiki plikisna, tnamwa mununhtara dimi yukuwamna pât ba lubia kat.

Lawana Nani 76:9

Man, Gâd, man lâ daukaia buisma ba ra, naha tasbaya aiska ra taibi bri ba uplika nani tâwan.

Lawana Nani 91:1

Baha uplika, Laih Purara bâra ba karnika bara distika ra ai yukuwaika bri iwi ba,

Impakan Sturka 12:27

Bara man nani bui witin nani ra wima: ‘Naha daiwra na sakripais daukisa, Insal luan Yua ba dukiara luki, Dawan ra mayunra yaia. Baha yua ra, Dawan Idsip uplika nani luhpia tawahkia nani iki lui wan. Yawan Israel luhpia nani, Idsip ra iwi kan ba watla ra lika dimras, laihku lui wan. Baku wan taya nani ba swaki sakan.’ ” Bara Israel luhpia nani sut ba ai lula kriki Dawan ra mayunra yaban.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Jirimaya 39:18

Mai ikaia luki nani ba mihta wina swaki mai sakamna. Pruras swak takma, man ba yang ra kasak lukram bamna. Yang, Dawan, kasak aisisna.’ ”

Jirimaya 45:5

¿Man baman diara painkira kum makabaia lukisma? Baku kaka makapara, kan pât nani ba upla sut purara yang blikaisna. Sakuna diara kumi baman mai daukamna: ani anira wama ba mai swirka pruma apia, raya kama. Yang, Dawan, kasak aisisna.’ ”

Isikiel 13:5

Israel kaina kahbaia dukia diara kumi sin daukras, Dawan yua balbia bara witin nani aiklabi bapi bûi kaia dukia.

Oseas 10:12

Yang bui witin nani ra wîri: Kasakka lâka mâ ba, man nani mangks bara latwan kaikaia mâ nani ba kriks. Tasba baiki dauks, mâ raya nani mangkaia dukiara, kan nanara mahka Dawan plikaia piua sa, witin balbia kat bara swaki mai sakan laya ba, man nani puramra auhbia.

Oseas 7:10

Israel tara pali takan ba, ai daukanka ba mita, ai mapara witniska aisisa. Baha daukanka sut wal, witin nani kli Dawan ra tawi balras, Dawan ra sin plikras.

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”

Matiu 5:5

“Lilia pali sa kupia bawikira nani ba, Gâd bui witin nani tasba yabaia pramis munan ba bribia bamna.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 4:10

Bamna man nani piu bani baku daukisma, wan muihni nani Macedonia aiska ra iwi nani ba sut aikuki. Sakuna muihki nani, yang nani mita mamkabisni baha latwanka lâka brisma ba, kau dauki kama.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 3:4

Sakuna baku daukaia watlika ra, pramna ba kupiam bilara kaia sa; baha painka ba sip tiwras sa, bara baha lika wan spiritka praut âpu bara sâpkira ba sika, baha ba Gâd mawanra kau tara pali sa.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.