Sofonías 1:7 - DAWAN BÎLA AISKA

⁷ ¡Man nani, Dawan mawanra sâp bas, kan Dawan yua pat aula sa bamna! ¡Dawan ba sakripais kum daukaia pat ridi pali sa, bara paiwan uplika nani ba sin, Dawan lamara ridi daukan sa!

Sofonías 1:7 ပူးပေါင်းရင်းမြစ်များ

Job 24:1

¿Dîa muni karnika sut bri ba, witin diara daukaia yua ba wan marikras sa, baku mika ai uplika nani mita tânka bribia?

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Aiseya 13:3

Upliki karnakira nani ra adar yâri, baku sin tahpluki nani ra adar yabri, yang pura luisna ba, witin nani lilia bri nani ra, yang klala blikisna ba alki brih daukbia.”

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 29:2

Ariel purara pât saura nani brih balaia sna, bara ini yahwi mamna lulkanka nani man kabia bara yang maipara Ariel ba masku aswi baku kabia.

Aiseya 34:5

Âu, kaiks Dawan sordka ba kasbrika purara bal param takisa bara Edom purara bal kauhaisa, pruaia pâtka ra lakan uplika nani ba.

Aiseya 34:6

Dawan sordka ba, tala bara batanka nani ni aibanhbia, sîp bara guts wainhka nani sakripais daukaia ikan baku; Dawan Bosrá ra sakripais nani daukaia brisa, bara upla ailal ikbia Edom tasbaya ra.

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Jirimaya 46:10

Naha yua na Dawan karnika sut bri ba yua, witin ai waihla nani ra pana munaia yua. Sord nani biara banhbia ba kat, tala di bla takbia ba kat. Dawan karnika sut bri ba daukbia upla iki yakabaia yahbra tani tasbaya ra, Éufrates lamara.

Isikiel 7:10

“¡Yua ba nâra ki! ¡Pat balan na! ¡Sauhki tikaia yua balan! Saurka ba pura luisa plis bani ra, bara praut lâka ba manis sa.

Isikiel 7:7

Sauhki tikaia piua ba aula tasba ra iwi uplika nani ra piua ba balan sa; yua ba lamara sa, tanis lâka baman bâra kabia, lilia lâka ba il nani ra danh takbia.

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Joel 2:11

Dawan ba, ai uplika kwâra tara ba kainara aimaki, ai bîla baikra ba alwani binka baku yaban walisa. Ai karnika ba tara pali sa, witin ai adarka bîla nani wali dauki nani ba, sip kulki sakras sa. ¡Dawan yua ba nahki tara sa, sibrin tara yua sa! ¿Ya sip sa witin ai mapara buaia?

Joel 2:31

Dawan yua tara sibrinkira aula ba, kau balras ba kainara lapta ingnika ba tihmia tara man takbia, bara kati ba sin, pauni tala baku takbia.”

Emus 6:10

Sibrin tara bâra kabia, pruan nani ba taika kum balbia, wîna tara ba bikaia alki bukbia ba ra, ai walka utla bilara tauki bâra wibia: “¿Kau wala kum bâra sa ki?” Bara witin pana wibia: “Apia.” Bara tâura bal aisi uplika ba wibia: “¡Sâp bas! ¡Dawan nina mâki sin aisapara!”

Emus 8:3

Witin nani ai watla tara nani ra lilia aiwani ba, baha yua ra pruan nani pura mata ai mamna lulki ini kabia. Upla ailal pruan kabia, witin nani wini ini bin daukras, sâpkira pruan nani ba bri si lulki kabia. Dawan baku kasak aisi wisa.

Abakuk 2:20

Sakuna Dawan pali ba ai tempelka watla sunukira ra iwisa. ¡Bamna tasba aiska ba, witin ai mawanra sâp kabia!

Sofonías 1:14

¡Dawan yua tara aula ba, pat baila sa! ¡Pat klutka sa, baku sin isti pali aula! Dawan yua binka tara ba, saura, tahpla pali kabia, ¡kau kupia karnakira nani ba sin ini wini kabia!

Sakaraya 14:1

Dawan lâ daukaia yua ba pat aula, Jerusalem, dukiam nani mihtam dakbia ba, kli man nani tilamra yui maikan kabia.

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 22:4

Alba wala nani blikan, naku wisi: ‘Paiwan uplika nani ra wis, plun ba pat ridi sa. Bîpki nani bara daiwri batanira nani pat ikri, bara diara sut ridi sa; man nani marit pata ra bal.’

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

Pilipai 4:5

Yarka upla sut mita man nani ba upla yamni baku mai kaikbia. Dawan ba wan lamara sa.

Kolosi 1:12

Bara liliakira Aisa ra tingki wis, kan Gâd king aimaki tasbaya ingnikira ra ai uplika nani mata diara nani ridi daukan ba tilara, man nani sut dukiam sin bahara sa bamna.

1 Samuil 16:5

Samuil pana win: —Baku sa. Yang aulna Dawan ra sakripais kum dauki yabaia. Man nani klin taks bara kaisa yang wal waia sakripais ba daukaia. Bara Samuil mita Jesé bara luhpia nani ba klin daukan, ningkara paiwan aikuki waia sakripais daukaia ba pliska ra.

1 Samuil 20:26

Baha yua Saúl diara aisaras kan, witin ba lukan Debit ra diara kum takan tâski kulkan, bara kau klin takras kan.