Sofonías 1:4 - DAWAN BÎLA AISKA

⁴ “Juda uplika nani mapara yang mihti sakbamni, Jerusalem ra iwi nani ba mapara sin. Baal gâdka kuninkira ba naha tasbaya wina diki sakamni, bara ai prîska nani nina ba sin.

Sofonías 1:4 ပူးပေါင်းရင်းမြစ်များ

2 King Nani 21:13

Jerusalem ba sim Sameria wal dîa daukri ba baku daukamni, Ahab kiamka nani ba lika âpu daukamni, plit sikbi diki klin dauki makupi swi ba baku.

2 King Nani 23:12

Baha purkara sin, Juda kingka Ahaz, pura tani ra asla takaia pliska paskan kan ba, bara altar nani Manasés mita paskan kan ba, Dawan tempelka latka tani ra, baha nani sut sauhki tiki, yuya nani ba Cedrón tingnika ra lulkan.

2 Kronikas 34:4

Josías kaiki kan witin nani Baal altarka nani lilka nani sât sât daukan ba sut sauhkan. Baha purkara, Josías sin blikan wan pura pliska nani ra kîa yamni angki kan altarka nani ba sin slingbaia. Bara Aserá lilka nani ba sin kriki yuya sirpi baman daukaia blikan, aidul nani ba, lilka paskan dukia nani ba baha nani sut ba yuya baman daukan.

Impakan Sturka 15:12

¡Karnikam ba upla mapara param sakram, bara tasba mita langki pin!

Jirimaya 15:6

Man bui yang ra ai swiram, ninam ba yang ra lakram. Yang, Dawan, kasak aisisna. Baha mita yang, kupi alki takaski ban swapri, bara mihti bukri klala maikaia, bara mai sauhkri.

Jirimaya 6:12

Watla nani ba, nasla nani ba, maya mairin nani ba upla wala nani bribia. Kan yang mihti bukamna baha kuntri ra iwi nani ba klala yabaia. Yang, Dawan, kasak aisisna.

Isikiel 25:7

Baku bamna mihti man nani ra bukamna klala maikaia; bara nisan nani mihta ra mai mangkrika, dîa brisma ba sut mihtam dakbia dukiara. Tawan nani tila wina mai sakamna, nisan nani tila wina mai tikamna, aiska pali mai sauhkamna. Baku damra walma yang sika Dawan sna ba.’

Isikiel 6:14

Bara yang mihti sakbamni witin nani mapara klala yabaia, upla iwi tasbaya nani ba waupasa tani wina Riblá yahbra tani kat, kuntrika ba upla iwras tasbaya sibrin wan daukaia tasbaya daukamni. Bâra mika tânka bri banhbia yang sika Dawan sna ba.”

Oseas 10:5

Sameria uplika nani tatatwisa; Bet-avén ra ai bîpka lupia bri ba tiwuya ba dukiara inisa. Upla nani ba, prîs nani ba bîpka lupia ba pura mata inisa, ai prana ba lap tiwan bamna.

Miqueas 5:13

Walpa ni karbi gâdkam lilka daukram ba sin, yang âpu daukamna; bara man nani mihtam ni paskram gâdka nani ba mawanra, kli bawi mayunma apia.

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Sofonías 2:13

Witin ai mihta yahbra tani mapara sakban kabia, Asiria sauhki tikaia, Ninibi tawanka ba sin âpu daukan kabia, tasba lâwan upla iwras baku daukbia.