Sofonías 1:18 - DAWAN BÎLA AISKA

¹⁸ Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Sofonías 1:18 ပူးပေါင်းရင်းမြစ်များ

Blasi Sturka 6:7

bara Dawan win: “Upla nani yang paskri ba, tasba mawan wina diki âpu daukamni; upla bara daiwan nani sut ai biara purara kwasi tauki ba wina, pâli tauki ba kat sin sut. ¡Yang kupi sari takan sa, witin nani ba paskri ba dukiara!”

1 King Nani 14:22

Sakuna Roboam Dawan nakra ra saura daukan, kupia sin sauhkan, ai damika nani wal, kau mapara saura daukan.

Job 21:30

Ani piua Gâd ai kupia sauhkuya ba ra ai lawanka ba blikisa, bara watawikira lika diara munras sa.

Job 3:15

apia kaka, wihta tara nani ai watla ra gul bara silbar nani auhbi banhki dauki ba tilara kaia katna.

Lawana Nani 78:58

Idan altarka paskan ba mita, Dawan kupia sauhkan, aidul nani ra mayuni ba tâwan ai kupia baikan.

Lawana Nani 79:5

Man Dawan, ¿ahkia kat kau lawi kama? ¿Ban kau lawi kama pauta klauhi ba baku?

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Sins Lâka 18:11

Lalahkira ba lukisa ai dukia kukanka nani ba, ai kan kahbaika tawanka tara kum kutbi purara sunan sa.

Aiseya 1:24

Baha mita, karnika sut ba Dawanka, Dawan karnakira Israel ra bâra ba, witin aisisa: “¡Baha kat aitani! Yang waihli nani lâka ba daukamni. Yang bui witin nani ra pana munamna.

Aiseya 10:17

Gâd Holikira, Israel ingnika ba, pauta klauhan takbia, bara yu kumi bilara kuntrika ra rahra nani ba sut angki âpu daukbia.

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Jirimaya 7:34

Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Isikiel 16:38

Marit lâka sauhkram bara upla ikram dukiara lâmka daukamna, bara kupi sauhkan tara bara lawan tara wal pruaia lâka ra mai lakamna.

Isikiel 23:25

Yang kupi lawanka tara ra kupi baiwanka blikamni, bara witin nani mita kakmam, kiamam nani ba klakbia, bara baha nani tâka raya swin nani ba, sord malika ra ikan kabia. Luhpiam waitna bara mairin nani ba mihtam dakbi brih wabia, baku ba ra pauta lapta ra kauhbia bara âpu takbia.

Isikiel 7:11

Lâ krikaia daukan ba wina, saurka lâka pâwisa, sakuna witin nani baha, yuyaka nani wina diara bribia apia ai kisbi winanka ba wina sin.

Isikiel 7:19

Ai silbarka nani ba, yabal nani ra batakbia, bara gul nani ba bahki kulkbia. Dawan lawanka ba wina ai gulka bara silbarka sin sip swaki sâkbia apia.

Isikiel 7:5

“Yang Dawan sna ba, naku wisni: Kaiks piua tnata ba pat aula.

Sofonías 1:11

¡Ini, uhbi banhwi bas, tawan pîska pakni ra iwi banhwisma uplika nani ba, kan baha nani diara âiatkra sut ba prubia, baha nani sut lalah wal, diara kwahki wauhi atki ba sin!

Sofonías 1:15

Lawanka tara yua kum kabia, kupia wirha bara sari pali. Slingbi sauhkaia diara âpu kabia, tihmia tara pali aihwa baman kabia, kasbrika distika tihuka tara yua aimakbia.

Sofonías 2:2

rais kapan taya baku puhbi saki kau lap mai tikras ba ra; Dawan lawanka lapta pali ba man nani puramra kau balras ba ra, Dawan lawanka yua man nani ra mai alkras ba ra.

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’