Sofonías 1:17 - DAWAN BÎLA AISKA

¹⁷ Dawan ba kasak aisisa: “Upla nani ra yang aihni munamna, nakras baku tauki kabia, kan witin nani maipara saura daukan bamna. Upla tâlia ba lî laiwi baku kabia, wîna tara ba daiwan tâskika baku pura-pura paski swin kabia.”

Sofonías 1:17 ပူးပေါင်းရင်းမြစ်များ

Lawana Nani 83:10

Endor ra sauhki tikram ba, ¡daiwan kânka tasba ra ba baku yakabram!

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Jirimaya 10:18

Kan Dawan naku aisisa: ‘Naha kuntrika uplika nani na naha wina laihura yakabaisna. Witin nani ra karna takaisna, bara kaikamna baku witin nani ai pliki ai sâkbia sa sapa.’

Jirimaya 15:3

“Yang Dawan, kasak aisisni: Klala sâtka walhwal man nani ra blikaisna: war ra mai ikbia, yul nani mita mai raskan kabia, daiwan tnawira mai pibia, bara daiwan wail nani sin mai pibia.

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 4:18

“Juda, man tânkam daukankam saura nani ba tâka mita sika naha diara sut man ra taki ba; watawikam lâka daukram ba tâka wina naha mâ tahpla nani na bal takan, bara kupiam ra mai sabisa.”

Jirimaya 8:2

witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.

Inanka Nani 1:14

Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Inanka Nani 1:18

Dawan ba kasak ba daukan, yang mita sika witin ai bîla mapara buri bamna. ¡Upla nani sut, yang ra ai wals; pât wahwisna ba sin kaiks! ¡Wahmiki nani bara tiariki nani sut ba alki priski silak ra brih wan sa!

Inanka Nani 1:8

Jerusalem saura ailal pali daukan, bamna aitani sa saura kulkaia. Kainara witin ra yamni kulki nani kata ba bui nanara misbara kaikisa, kan baha nani bui witin ra kwala luha kaikan ba mita. Baha mita witin ini ai swira pali, bara ai mawan ai ninara lakisa.

Inanka Nani 2:21

Wahma nani bara almuk nani sin, tawan bîla yabalka nani ra pruan prawi nani ba kaikisa; wahmiki nani bara tiariki nani sut, aiklabaia sordka malika wal ikan sa. Man mita witin nani ba ikram kupiam baiwanka yua ra, ¡ikram, umpira kaikras kira!

Isikiel 16:38

Marit lâka sauhkram bara upla ikram dukiara lâmka daukamna, bara kupi sauhkan tara bara lawan tara wal pruaia lâka ra mai lakamna.

Isikiel 24:7

Tawan ba tala laiwan ni banhwan sa; bara laiwisa, tasba purara lika apia, pukpuka ba mita pura bikbia, sakuna walpa lipni ba purara.

Isikiel 24:8

Yang baha purara swimna tala ba, walpa lipni ba purara, baku natka ra sip pura prakras kabia, kupi sauhkanka ba lapta takbia bara kasakka lâka daukbia.

Emus 4:10

“Idsip uplika nani purara siknis saura nani blikri kan ba baku, man nani puramra sin blikri; wahma nani ba war aiklabi prui tiwaia ba yang daukri, swiri aras nani ba waihla nani dawanka takan; kiamp nani ra yang mita yâri upla pruan bisbaika ba kiawalaia. Baha sut daukri, sakuna man nani lika yang ra kli tawi balras.” Dawan baku kasak aisisa.

Miqueas 7:13

Bara baha tasbaya nani ba lika sauhki tikan, upla iwras tasbaya baku takbia, upla nani bahara iwi kan ba saura daukan ba tâka mita.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 11:7

¿Baku bamna, dîa? Israel luhpia nani pliki kan ba sip sakras kan, sakuna Gâd wahbi sakan nani ba lika sakan. Wala nani ba lika kupia karna daukan,

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

2 Pita 1:9

Sakuna ya baha diara nani âpu ba, sim blain kum baku sa, apia kaka, diara ai lama kat baman kaiki ba wal kumi sa; ai âuya tiwan sa, piua luan ra saurka daukan ba wina klin sakan ba.

1 Jan 2:11

Sakuna ya ai muihni ra misbara kaikisa kaka, witin lika tihmia ra iwisa bara sin taukisa; ba mita witin anira auya sapa kaikras sa, tihmia ba mita nakra sut blain dauki bri ba mita.

Param Marikanka 3:17

Kan man ba lalahkira wisma, bara diara sut mapara pain baman, bara diara luha apia sma; sakuna damra walras sma man ba trabil saura ra sma, umpira pali sma, diara âpu, blain, bara kwala sin âpu.