Smasmalkra 3:11 - DAWAN BÎLA AISKA

¹¹ Witin mita piua kat diara sut pranakira yamni daukan; upla kupia lukanka ra mangkan diara tnata âpu ba tânka, upla ai tânka sip briras sakuna, Gâd diara tara daukan ba, baku sin kau daukaia ba.

Smasmalkra 3:11 ပူးပေါင်းရင်းမြစ်များ

Blasi Sturka 1:31

bara Gâd kaikan diara nani witin paskan ba sut yamni pali kan. Bara baku natka ra yu matlalkahbika ba tnata alkan.

Job 11:7

¿Man lukisma ki, man ba sip sma Gâd tânka tihu ra ba kaikaia, bara witin ai tânka tihuka pali ba tânka sut pali ba man kaikaia?

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Job 5:9

Witin sika diara tara aihkakira nani uya daukisa, baha diara nani ba upla sip tânka briras sa.

Lawana Nani 104:24

¡Dawan, man nahki diara nani ailal daukram sa! Baha nani sut daukram ba, sins lâka wal; ¡tasba ba man paskram dukia nani baman banhki sa!

Sins Lâka 16:4

Dawan diara kumi bani daukan ba witin ai warkka dukiara sa, âu, upla watawikira ba sin daukan, trabil yua ra klala yaia ba.

Smasmalkra 1:13

Bara yang kupi aiska ni tânka plikri, sins lâka ba wal, naha tasba ra diara nani dauki ba. ¡Gâd bui twilkaia dukia wirha nani upla purara sunan ba, baha wal witinka nani ba yaka bawaia dukiara!

Smasmalkra 11:5

Pâsa ba anira auya man sip kaikras sma baku, sim tuktan ai yapti biara ra aipaswi ba baku, man lika Gâd diara dauki ba kaikras sma, witin diara sut papaskra ba.

Smasmalkra 7:13

Kasak pali kaiks, Gâd diara daukan ba: ¿ya sip sa witin warha daukan ba wapni daukaia?

Smasmalkra 7:23

Naha nani sut na, sins lâka wal laki kaikri, sinskira kaia ai daukan; sakuna yang alkaia ba wina laihura kan.

Smasmalkra 7:29

Naha baman yang sakri sa: Gâd ba upla ra kasak pain paskan sa, sakuna witin ai rayaka ba sauhkan sa.

Smasmalkra 8:17

Kau pali tânka briri upla ba sip ai tânka briras sa, Gâd bui dîa dauki ba bara sin dîa tasba ra taki ba, nahki kat tânka briaia pliki kama sin. Ban sinskira bîla wibia, witin tânka brisa, sakuna kasakka pali ba, witin sin kau tânka pliki sakras sa.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Mark 7:37

Bara witin nani tâ iwi, naku aisin: “Diara sut pain daukisa: ¡kiama prawan nani yan walisa, bîla skalwi aisi nani yan sturi aisisa!”

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!