Sins Lâka 8:9 - DAWAN BÎLA AISKA

⁹ Sins lâka bri ba bara aman ai dara wali nani ba mapara, yang bîli aisanka ba param sa bara kasak sa sin.

Sins Lâka 8:9 ပူးပေါင်းရင်းမြစ်များ

Sins Lâka 14:6

Ai tânka saura bri uplika ba, sins lâka plikisa kuna sakras, sakuna diara tânka luki uplika mapara, sins lâka briaia karna apia sa.

Sins Lâka 15:14

Wan kupia tânka brih luki ba, sins lâka plikisa, sakuna taniskira nani bîla lika ai taniska lâka ba ai pata baku brih pîsa.

Sins Lâka 15:24

Tânkira muni uplika mapara, raya kaia yabalka bîla ba, pura tani auya; bara pri sakisa sinskira nani ra, raiti bilara iwi waia ba wina.

Sins Lâka 17:24

Diara tânka alki uplika markka ba, sins lâka bâra sa; sakuna upla taniskira nakra nani ra, mark kum alkaia âpu.

Sins Lâka 18:15

Sinskira nani ba bara diara tânka kaikaia pliki luki uplika ba, baha tânka ba pliki sakisa.

Sins Lâka 3:13

Lilia sa sins lâka pliki saki uplika ba, diara tânka alki latan kaiki uplika ba sin,

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Miqueas 2:7

¿Dîa man nani lukisma, Israel luhpia nani ba lahtubanka munhtara sa? ¿Gâd na ai kupia alki takaskras takan ki? ¿Man nani lukisma ki, Gâd ban baku pali daukbia? ¿Upla yamni, diara wapni dauki ba dukiara, yamni aisisa apia?

Jan 6:45

Prapit nani wauhkataya ra naku wisa: ‘Gâd mita upla sut ra smalkbia.’ Baku bamna, Aisa ra wali uplika nani ba, witin ba wina lan taki yang ra aula.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.