Sins Lâka 8:34 - DAWAN BÎLA AISKA

³⁴ Yamni pali sa yang ra wali uplika ba, yu bani aihwaki kaikisa, waitla durka ra nani ra.

Sins Lâka 8:34 ပူးပေါင်းရင်းမြစ်များ

1 King Nani 10:8

¡Nahki lilia sa mairkam nani ba, bara dukiam dadaukra nani ba sin lilia ai dara walisa, baha nani man wina sinskam lâka wali ba!

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Lawana Nani 84:10

¡Kanra yamni sa, yu kum bâra kaia, man wamtla kutbanka ba ra; yu tausin latara kaia ba wal! Brin ai daukisa Gâdki tempelka ra aihwaki kaia, watawikira nani pliska ra bâra kaia ba wal.

Lawana Nani 92:13

Baha nani Dawan tempelka ra mangkan kabia; tempel bilara kutbanka painkira ra, Gâd bui yan pâwi ba baku.

Impakan Sturka 12:7

Bara wîna ba, ani watla bilara pibia ba, daiwra tâlia ba wiria bribia bara ai durka playka nani un ra bara dur pura nani ra sin tâlia ba wal yûkbia.

Sins Lâka 1:21

Ai lâka bîla ba, get dimaika ba wina upla sut ra wini maisa pakisa, tawan bilara kau upla ailal asla taki pliska nani ra:

Sins Lâka 3:13

Lilia sa sins lâka pliki saki uplika ba, diara tânka alki latan kaiki uplika ba sin,

Sins Lâka 3:18

Sins lâka ba, rayaka lâka sa ya baha bri ba; ¡dutki bri alki uplika nani ba, lilia pali sa!

Matiu 7:24

“Bamna ya ya yang bîli nani wali yang dîa wisna ba kat dauki kaka, upla sinskira kum ai watla walpa purara mâkan ba baku sa.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 10:39

Marta lika ai muihni kum bri kata nina Meri, bara witinka ba lika Jisas mina ra iwan, dîa aisi ba walaia dukiara.

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Apastil Nani Sturka 2:42

Baha uplika nani lika yu bani takaskras kira, apastil nani smalkanka nani wina diara lan taki kan, bara witin nani sin pana pana ai walka dukiara luki kan, ai pura sin suni banhwi kan, sut sin asla taki brit kriki pi kan.