Sins Lâka 8:24 - DAWAN BÎLA AISKA

²⁴ Kabu tara nani âpu kan bara yang pat ai paski kan, lî kârma nani, lî ni banhwi ba sut kau âpu kan ba ra.

Sins Lâka 8:24 ပူးပေါင်းရင်းမြစ်များ

Blasi Sturka 1:2

Tasba ra diara nani ba ai watlika kat apia, bîla baman kan; kabu tihuka tara ra tihmia tara nani baman baha purara kan, bara Gâd spiritka ba lî nani purara tauki kan.

Job 38:16

¿Man tihu tara ba pat wih dimi kaikatma ki, kabu biara ra ai kârma nani bri ba?

Lawana Nani 2:7

Dawan ai kupia lukra sakan ba yang aisamna: witin bui yang ra ai win: “Man lika yang luhpi waitna sma, naha yua mai sakri sa.

Impakan Sturka 15:5

Witin nani walpa baku kabu tihuka kat rungwi iwan, bara kabu tihuka tara ba witin nani pura bikan.

Sins Lâka 3:20

ai sinska lâka ni daukan kabu ba baiwi takan kaia, bara kasbrika nani ba wina sin diwas laya tahwi ba.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Jan 5:20

Aisa ba ai Luhpia ra latwan kaikisa bamna, dîa witin dauki ba sut marikisa. Bamna witin ra kau diara tara sin marikbia, bara baku mika tâ iwan pali taki banhma.

Hibru Nani 1:5

Bamna Gâd ba piu kumi sin ai insalka nani tila ba wina kumi ra naku wiras kata: “Man ba yang Luhpi sma, naiwa na, man Aisikam takri sa.” Baku sin, insal kumi dukiara sin naku aisaras kata: “Yang ba witin Aisika kamna, bara witin ba lika yang luhpia kabia.”

1 Jan 4:9

Gâd yawan wan dukiara ai latwanka lâka ba param marikan, witin ai Luhpia kumi pali bri kan ba naha tasba ra blikan bamna, bara baku mika Kraist ba yawan sut raya kaia lâka bri kabia dukiara.