Sins Lâka 7:10 - DAWAN BÎLA AISKA

¹⁰ Aihni mairin ba bal takan, wahma ba wal prawaia dîa sut ai nakra ra kaiki kan, kunin muni ba bara dîa rug mairin kum ai prana dauki ba kat;

Sins Lâka 7:10 ပူးပေါင်းရင်းမြစ်များ

Blasi Sturka 3:1

Bara piuta ba kau âuya mâira kan, Dawan Gâd tasba ra daiwan nani sut paskan ba tilara. Bara baha mita mairin ra makabi walan: —¿Baku bamna, Gâd bui man nani ra mai win, dus nani giadin ra bâra ba wina mâ nani kumi sin pima apia?

2 King Nani 9:22

Bara Joram ba Jehú kaikan ba ra win: —¿Kupia kumi lâka sturka brih aulma ki, Jehú? Bara Jehú pana win: —¿Dîa kupia kumi lâka bâra kabia, man mamikam Jezabel ba ur takan baman tauki ba, bara sukia lâka ba sin swiras ba?

2 King Nani 9:30

Baha ningkara Jehú ba Jezreel ra wan. Bara baha walan taim, Jezabel ba ai mawan ba pain aiskahkan, ai tâwa nani ba sin pain pitban, ningkara windar bâk taki kaikan.

Sins Lâka 23:28

Âu, witin nani kunin mamunra, upla nina maya dimisa, âimplikra baku; bara daukisa waitna ailal ban tanis tiwaia ba.

Aiseya 23:16

“Rug mairin, aiawi tiki mai swin ba, arpkam ba bris, tawan tara ba kir watauks; miusik binka painkira nani dauks, lawana ba kli kli aiwans, bara kaikaia witin nani kli man ra ai kupia kraukbia sa sapa.”

Jirimaya 4:30

Bara man, tawan kau aisawan ra sma ba, ¿dîa muni kwala balianta ba dimisma? ¿Dîa muni gul dukia nani ba ni pramna daukisna? ¿Dîa muni namkra taya nani ba siksa daukisma? Bahki baman pramna daukisma, kan latwan kaiki kapram nani ba mai lulki swin ba, nanara mai ikaia mai plikisa.

1 Timoti 2:9

Bara mairin nani ba, ai prâka nani dimra ra ai sinska yamni bri nani kaia sa, bara baha nani ba tânkira ai prâka dimi kabia, aiskahkan tara wal lika apia. Ai wîna tara ba aiskahki kabia, tâwa pitbanka aihkakira wal lika apia, gul ni, sita nakra manira nani, apia kaka prâk manira nani ni sin apia;