Sins Lâka 5:22 - DAWAN BÎLA AISKA

²² Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Sins Lâka 5:22 ပူးပေါင်းရင်းမြစ်များ

1 King Nani 18:18

Bara Ilayas win: —Yang apia trabil dauki ba, sakuna man bara uplikam nani wal, Dawan lâka nani ba swi si Baal nina ni bliki banhram.

Ester 9:25

Sakuna Ester ba king kaikaia balan ba ra, king mita ulbi adar yaban baha waitnika ai lukanka ra saura luki, Ju nani ra sauhki tikaia daukan ba witin ai lal ra kabia, witin ra bara ai luhpia nani ra sin dus ra pami langki ikbia.

Job 18:8

Ai yabalka ra ilis mangkan kabia, bara baha iliska ba bui witin kli alkan kabia.

Lawana Nani 40:12

Pât saura ailal pali ai alkan yang kulki sakaia sip apia. Watawiki nani ba tawi ai priskan; ¡kainira sip diara kaikras! Tâiwa nani wal kau ailal, kupi brinka kat sin sut tikan.

Lawana Nani 9:15

Idan nani ba, witin nani bui unta pakni salhkan ba, baha bilara kauhbia; mina nani ba alkbia, witin nani bui ilis paski yukuki swin ba ra.

Lawana Nani 9:17

Watawikira nani bara idan nani ba, Gâd ra lukras ai âuya tiki nani ba, prura lâka kat witin nani âpu takbia;

Sins Lâka 1:18

baha uplika nani klauna tawi, ai mina ra alkaika kiwka nani paskisa, bara ai rayaka ba pât ra mangkisa.

Sins Lâka 11:3

Wapnikira nani ba ai lâka aihwa man bri mita tâ brih wabia, saura dadaukra nani ba ai saurka lâka dauki ba mita, sauhki tikan kabia.

Sins Lâka 11:5

Kasak lâka ba mita kasakkira ra yabalka wapni daukisa, sakuna upla watawikira ba ai lâka watawi ba mita kauhbia.

Sins Lâka 11:6

Wapnikira nani kasakka ba bui witin nani ba pri sâkbia, sakuna saura dadaukra nani lika, ai saurka pali ni blaki alkan kabia.

Sins Lâka 12:14

Waitna ba ai bîla wina yamni aisin mâ nani ba kriki brisa, bara sin dîa dauki ba kat ai mana brin kabia.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Sins Lâka 18:7

Upla taniskira ai bîla ba mita sauhki tikan kabia, ai bîla aisanka ni nana ra kiwa mangkisa.

Sins Lâka 24:12

Man wima kaka: “Kaiks, yang nani naha tânka kaikras kapri”, kuna witinka wan kupia nani paun mangki kakaira ba baha tânka bribia; pain nu kabia baha aihwaki main kaiki ba witinka ya dîa dauki ba kat aibapi ba.

Sins Lâka 26:27

Unta pakni salhki uplika ba, witin baha bilara kli kauhbia; bara walpa kitbi karbi uplika ba, witin ai purara kat kli tawi taibia.

Smasmalkra 7:26

Diara kum wal prawri ba prura wal kau tahpla sa: mairin ai kupia wal warbanka dauki ba, bara ai klahkla wal wilki bri ba. Dawan kupia lâka uplika nani baha wina swakbia saurakira nani ba ai sînka bilara kauhbia.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Inanka Nani 1:14

Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Abdías 1:15

Upla wala nani ra dîa daukram ba, man sin baku mai daukbia. ¡Dîa daukram ba mana kulki maikan kabia! “Dawan ai warkka nisan nani sut mapara daukaia yua pat baila sa.

Kulki Kaikanka 32:23

Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Wihta Nani 20:41

Israel luhpia nani witin nani ai mapara ai mawan wilbi kir lakan, bara wala nani ba kupia lap tiwan, sirang tara iwan sauhki tikan lâka tara ba pat witin nani ai purara aula ba dukiara.

Wihta Nani 9:57

Dawan sin baku dauki, Siquem uplika nani sin tala laikan mana ba yaka aibapaia kan. Bara baku sin Jerubaal luhpia Jotam, lahtuban bîla witin nani mapara aisin ba sin yaban baha yua aimakan.