Sins Lâka 4:24 - DAWAN BÎLA AISKA

²⁴ Kunin aisaia lâka wina plaps; kunin lâka wina tnaya ra taws.

Sins Lâka 4:24 ပူးပေါင်းရင်းမြစ်များ

Job 11:14

Saurka karbanka brisma kaka, man baha wina dakwi taks; saurka ba yarka wamtla ra dimbiara.

Lawana Nani 34:14

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Sins Lâka 10:32

Upla kasakkira nani ba, diara yamni man aisisa; upla watawikira nani lika diara saura nani baman aisisa.

Sins Lâka 17:20

Lukanka warha uplika ba, ban pali diara yamni wal prawbia apia; bara ai twisa kuninkira bri ba, trabil ra kauhbia.

Sins Lâka 19:1

Kanra yamni sa upla umpira kaia lâ aihwa man tilara tauki ba, baku apia sa kaka upla nina aisi tauki ba tilara kaia ba wal.

Sins Lâka 4:25

Piu bani ra namkra ba kainam kat kaiki bas; piu bani ra tâm kat kaiki bas.

Sins Lâka 6:12

Upla rugkira bara aisawan nani ba, piu bani kunin aisi wataukisa;

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Sins Lâka 8:8

Yang bîli aisanka nani sut ba kasak lâka sa; witin ra kunin sirpi wiria sin âpu sa.

Isikiel 18:31

Yang maipara saura daukram sut ba wina tnaya ra taks, kupiam ra spirit raya bris. ¿Dîa muni pruaia kabia, Israel luhpia nani ba,

Kolosi 3:8

Sakuna nanara naha diara nani sut mahka swis: kupia baiwanka, brinka karna lâka, saura lâka nani, swira daukaia lâka nani, bîlam wina saura aisaia ba sin.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

Jems 1:21

Baku bamna, tâski lâka, saurka lâka ailal ba sut swi si, bara bawan lâka ra sturi painkira kupiam ra mangkan ba alki bris. Kan baha sturka yamni ba lika, swaki mai sakaia karnika brisa.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

1 Pita 2:1

Baha mita man nani saurka ba sut mahka swis; kunin lâka kli daukaia apia, kunin daukanka nani mahka swiaia, tuman lâka bara nina sauhki aisanka sâtka nani sut sin.