Sins Lâka 31:9 - DAWAN BÎLA AISKA

⁹ ¡Bîlam baikra buks, bara kasakka lâka ba dauks; umpira nani ba tâ baiks bara bawikira nani ba sin!

Sins Lâka 31:9 ပူးပေါင်းရင်းမြစ်များ

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

Job 29:12

Yang mita rau bara piarka nani ra tâ baiki kapri, upla mita tâ baikras kan uplika ra.

Lawana Nani 82:3

¡Man nani upla swapnikira bara rau, nani lâka kasak kat dauks! ¡Umpira nani lâka kasak ba dauks, diara luha nani lâka ba sin!

Sins Lâka 16:12

Watawi daukaia lâka ba, king nani bui saura pali kaikisa; king iwaika ba, kasakka lâka ni dutki bapan sa bamna.

Sins Lâka 20:8

King ai iwaika ra lâ wapnika daukaia iwi ba ra, ai nakra nani ni kaikan ba baman, diara saura nani sut âpu daukaia.

Sins Lâka 29:7

Upla kasakkira lika, umpira uplika nani lâ dimi ba dukiara uya lukisa, sakuna upla watawikira lika, ai kupia wiria sin lukras.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 5:28

witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Sakaraya 7:9

“Naku aisaia yang mai wisni: Man nani upla lâka aisi daukisma ba ra, lâ kasak wapni daukma; bara pana pana kupiam pihni lâka ra, walkam nani ra umpira kaiki bas.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Jan 7:24

Man nani upla mawan kulki lâ daukpara. Lâ daukisma ba ra, wapni kat lâ ba dauks.

Kli Smalkanka 1:16

Baku sin, yang, man wihtkam nani ra smalkri nahki wark dauki kaia: ‘Upla sut wal aisaia bara lâka nani ba wapni daukaia, ai tasbaya luhpia nani lâka ba, tringsar nani lâka sin.

Hibru Nani 1:9

Man ba kasakka lâka ba latwan kaikram, bara saura lâka ba misbara kaikram; ba mita sika, Gâd, man Gâdkam ba mita bâk mai saki, uplika wala nani wal, man ra kau lilia tara maikan.”

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.

1 Samuil 19:4

Janatan bara Saúl wal aisin Debit dukiara. Witin ra win: —King tara, man Debit mapara saura daukaia apia kapram, witin king tara mapara saura kumi sin daukras, yamnika lika ailal pali daukan;

1 Samuil 20:32

Sakuna Janatan witin ra win: —¿Dîa dukiara witin pruaia sa? ¿Witin dîa daukan sa?