Sins Lâka 31:26 - DAWAN BÎLA AISKA

²⁶ Diara tânka kaikaia lâka bîla nani aisisa, ai smalkanka ba sin latwan lâka bîla nani wal smalkisa.

Sins Lâka 31:26 ပူးပေါင်းရင်းမြစ်များ

Ester 4:4

Bara tiara nani kwin Ester warkka dauki kan nani ba, bara waitna nani witin ra main kaiki kan nani ba mita win dîa taki ba; bara kwin mairin ba ai kupia wirha tara brin, bara Mardoqueo ra kwala blikan wan, baha dimi kwala kusni dimi kan ba daikbia dukiara; sakuna witin apia win.

Ester 5:8

King tara, latwan ai kaikisma kaka, bara sin brinki ba wih makabanki ba wal daukaia sma kaka, makabisna man yauhka kli Amán wal pata tara wala ridi daukri ba ra waia. Bâra lika king man dîa daukaia ai wima ba daukamni.

Sins Lâka 10:31

Upla kasakkira bîla ba sins lâka mâ sakisa, sakuna watawikira nani ra twisa ba dakban kabia.

Sins Lâka 12:18

Upla tila nani aisi ba ispara wan sabi ba baku sa, sakuna sinskira nani aisanka ba lika hilp wankisa.

Sins Lâka 16:24

Bîla painkira nani aisi ba lika, nasma laya damnira baku sa; wan kupia ra damni sa, bara karnika raya wankisa.

Sins Lâka 19:14

Wan watla, wan yuyaka ailal ba, yawan wan damika nani wina brisa; sakuna wan maya mairin âuya mâira ba lika, Dawan wina yawan brisa.

Sins Lâka 25:15

Wan kupia alki takaski briaia ba mita wihta kupia lakuya; bara wan twisa swapni aisi ba mita, mapara bûi ba krikuya.

Sins Lâka 31:27

Witin ai watla bilara, diara sut mapara kau ai kanra wiaia ba dukiara aihwaki kaikisa, bara aima kumi sin plun mana luha piras sa.

Yamni Kulki Lawana 2:14

“Butkuki mairin, walpa unta nani ra yukuwisma ba, unta twakni, bara dihwi nani yukuwaika ra, aikrika mamwan ba kaikamni, aikrika bîlam baikra walamni. Kan man mamwan kaikaia ba, yamni pali sa bamna, ¡bîlam baikra walaia sin damni pali sa!”

Yamni Kulki Lawana 4:11

Wal kut taki mairka lupia, unam nani wina nasma laya tahwisa. ¡Nasma laya, bîp tialka laya wal, twisam mununhtara sa! ¡Kwalkam nani kîa ba Líbano kîa painka baku sa!

Malaquía 2:6

Libai smalkanka tâski âpu kasakka tânka kat smalki kan. Yang wal wapni, kupia kumi lâka, upla ailal saura wina yamni ra lakan.

Luk 1:38

Bara Meri bila: —Yang na Gâd napakanka mairin sni; bamna man ai wiram ba kat Gâd bui yang ra daukbia. Naha ningkara, insal ba mahka wan.

Apastil Nani Sturka 18:26

Apolos lika ai lukanka aiska ni Ju nani priaska watla ra aisi kan. Sakuna Priscila bara Áquila wal baha walan ba ra, witin nani mita Apolos ba tnaya ra bri si, kau Dawan yabalka tânka param pali smalkan.

Apastil Nani Sturka 6:15

Bara lâ wihtka tara nani bara upla sut bâra iwi kan ba mita Stiben ra tawi kaikan ba ra, witin mawan ba sin insal mawan baku kan.

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Kolosi 4:5

Pain tauki bas, kristian apia nani ba wal, bara piua brisma bani ba pain man nani yus muni bas.

1 Pita 3:1

Baku sin, man nani maya mairin nani, mayam waitna nani ra bawi bas, bara baku mika witin nani tila wina kum kum kra, Gâd bîla ba ra kasak lukras kaka, ai maya mairin nani tânka pain ba mita, witin nani kupia alkan kabia. Man nani ba bîla kum pan aisaia sin apia sma,

Wihta Nani 13:23

Sakuna ai maya mairin pana witin ra win: —Dawan ba yawan wan ikaia kan kata kaka, yawan sakripais dauki bara prisant sin yaban ba briaia apia kan, baku ba ra witin sin yawan ra naku diara aihka dauki wan marikaia apia kan.