Sins Lâka 30:8 - DAWAN BÎLA AISKA

⁸ bahki lâka wihki kunin aisi bîla ba wal yang wina laihura saki brih was, bara umpira kaia sapa, lalahkira kaia sapa, wâlsut aikpara; yang pati yu bani briaia praiska ba kat baman aik.

Sins Lâka 30:8 ပူးပေါင်းရင်းမြစ်များ

Blasi Sturka 28:20

Bara Jekob naku pramis dauki aisin: “Âu, nanara Gâd ba yang wal impakanki ra wabia kaka, witin yabalki ra main ai kaiki ai bri wabia kaka, bara plun piaia, kwala dimaia sin aikbia kaka,

2 King Nani 25:30

Baha purkara, ai rayaka yua nani sut ra witin ra yu bani Babilon kingka ba wina hilpka kum yabi kan.

Job 23:12

Piua bani ra dîa lâ mangki aikan ba kat daukaia munisni, yang kupi lâka kat lika apia.

Lawana Nani 119:29

Kunin lâka yabalka ba, yang wina laihura sâks; bara man smalkankam yamni ba hilpki kabia.

Lawana Nani 119:37

Naikra nani ba laks gâd bahki kaikaia ba wina ¡raya kaia ba aik, man yabalkam ra wapaia!

Impakan Sturka 16:15

Israel luhpia nani ba baha dîa dukia sapa tânka briras kan, bamna kaikan ba ra kumi bani ai walka ra aisi makabi wali kan: “¿Bara naha na dîa dukia?” Moses bui witin nani ra win: —Naha sika plun, Dawan bui man nani ra piaia maiki ba.

Impakan Sturka 16:18

sakuna litro ra mangki kulki kaikaia yaban, baku dauki kulkan, ailal wahbi brin uplika nani kau pura lui briras kan, wiria baman wahbi brin uplika nani ba sin apras kan. Upla kumi bani witin nahki piaia sip kan ba praiska kat wahbi brin kan.

Impakan Sturka 16:29

Naha luki kaiks yang Dawan, man nani ra ris yua kum maikri; baha mita yu matlalkahbi yua ra, yu wâl piaia pata ba maikisna. Baha mita yu matlalkahbi pura kumi yua ba man nani kumi bani wamtla ra kaia, wamtla wina takaia apia.

Impakan Sturka 16:35

Israel luhpia nani ba upla iwras ba tasbaya ra 40 mani manâ baman pi kan, Kenan tasbaya piarkika upla iwi kan ba tasbaya lamara balan ba kat.

Sins Lâka 13:5

Upla kasakkira ba kunin aisaia waihla sa; swira bara kulkras lâka ba rugkira nani dukia sa.

Sins Lâka 21:6

Kunin lâka ra dukia kukan ba bribia kaka, lilka kasak apia bahki lupia baku baha nani wina prura baman pliki ba.

Sins Lâka 22:8

Ya watawika lâka mâ mangki ba, pât tara mâ krikbia; Dawan ai kupia baiwras klalka nani ba krikan kabia.

Sins Lâka 23:5

Pain laki kaikma kaka, man kaikma yuya tara ba âpu sa, bara aihni pali auya, yakal baku ai tnawa pat takan baku.

Sins Lâka 30:7

Dawan, diara wâl baman lika man wina briaia mamkabri; yang wina alki takaskpara, yang kau pruras sna ba ra aik:

Aiseya 5:18

Man nani ra saura pali kabia kan kunin lâka ni watawika lâka ra raskisma ba, saura lâka ba raski brih auma wagin kum raski ba baku.

Aiseya 59:4

Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Jirimaya 37:21

Bara king Sedequías win Jirimaya ba king dimi watla latka ra aihwawakra bâra ba ra swibia, bara yabal ra brit angki ba wina yu bani brit kum bri si yabi kabia. Witin nani win baku dauki kabia yabal ra brit nani angki ba piua ra. Bara baku Jirimaya king watla latka ra bâra kan.

Jirimaya 52:34

Yu bani Babilon king ba Joaquín main kaiki kan, witin pruan ba kat.

Matiu 6:11

Naiwa wan yua pata ba wankma.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Luk 11:3

Yu bani, yang nani aitani piaia praiska plun aiki bas.

Jan 2:8

Ningkara Jisas bila win: —Nanara wirâ laiki saki, naha lilia paiwanka tâ uplika ba ra bri si yas. Witin nani baku daukan.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.