Sins Lâka 30:5 - DAWAN BÎLA AISKA

⁵ Dawan ba kan kahbisa ya witin ra kasak luki ba, ai bîla aisinka ban ba kasak aihwa sa.

Sins Lâka 30:5 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

2 Samuil 22:31

“Gâd yabalka ba wapni pali sa; Dawan pramiska nani ba kat wan kupia mangki briaia ba aitani pali sa; ¡Gâd ba witin ra luki uplika nani sut ba kan kahbisa!

Lawana Nani 119:140

Man bîlam aisinka pramiska ba kasak sa, baha mita nampakan baha latwan kaikisa.

Lawana Nani 12:6

Dawan pramis aisin bîla nani ba sunu sa; ¡silbar tâski âpu pali ba purkara, silbar 7 taim kiskan ba baku!

Lawana Nani 144:2

witin sika upliki kasak ba, yang kaini kahbaika ba, yukuwaiki kau purara ba, pri ai sasakra; kaini kahbaika sa, witin ra sin yukuwaiki brisni; witin upliki banhwi ba, karnika mununhtara mangkisa.

Lawana Nani 18:2

Dawan, man sika kaini kahbisma, yang yukuwaiki pliska, yang swaki ai sasakra; yang Gâdki, walpa tara, yang ra ai yukukisma ba, yang kaini kahbaika, ai swaki saki karnika ba, yukuwaiki kau tara ba.

Lawana Nani 18:30

Wan Gâdka yabalka ba lika wapni pali sa; Dawan bîla aisinka ba, kasak lukaia ba aitani pali sa; ¡witin lika baha nani witin ra luki yukuwi ba kan kahbaika sa!

Lawana Nani 18:31

¿Gâd ba dîa sa, Dawan wina tnaya ra tawbia bara Gâd wala bâra sa ni, wan kan kahbaia sip ba?

Lawana Nani 19:8

Dawan wan smalkan lâka nani ba, wapnikira sa, wan kupia lukanka lilia sakisa. Dawan lâka bîla ba saura luha sa, wan nakra diara kaikaia ingni daukisa.

Lawana Nani 3:3

Sakuna, Dawan, man, yang kaini kahbaika sma, man sika yang praina sma, man sika yang kupi kli bukisma ba.

Lawana Nani 84:11

Kan Gâd sika Dawan, witin ingni wankisa bara aihwaki wan kaikisa; Dawan latwan wan kaikisa bara wan kulkisa baha nani ai raya klin brih iwi ba, bara yamni ba bahki kulkras.

Lawana Nani 91:2

naku wisa Dawan ra: “Man ba yang yukuwaiki sma, yukuwaiki watla tara, ¡yang Gâdki, yaura kupi aiska kahbamna!”

Sins Lâka 2:7

Dawan ai hilpka ba yabisa bara kan kahbisa wapni pali iwi nani ba ra;

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Roman 7:12

Baku bamna, lâ ba lika holi sa, bara lâ bîla ba sin holi sa, bara kasak pain sa.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.