Sins Lâka 3:3 - DAWAN BÎLA AISKA

³ Latwan lâka ba lulki swipara bara kasakka diara rait ba sin; lilura awa baku man brih tauks, sinskam ra ulbi bris,

Sins Lâka 3:3 ပူးပေါင်းရင်းမြစ်များ

2 Samuil 15:20

Man nahwala kat nâra balram, ¿bara nahki yang bui man ra mamkabamna naiwa yawan aikuki waia, yang pali sin anira auna sapa kaikras sna na? Bahamna man ra kanra yamni sa kli tawi waia, bara uplikam nani sin man wal. Dawan yamni mai munbia, man wal sin ban wabia.

Lawana Nani 119:11

Man bîlam aisinka nani ba kupi ra mangki briri, yang bui man mampara saura daukaia apia ba mata.

Lawana Nani 25:10

Dawan ba piua bani latwan lâka ni, ai bîla aisi ba kat daukisa, baha nani ai lâka kat dauki bara kulki uplika nani ba wal.

Lawana Nani 85:10

Latwan lâka bara kasakka lâka wal prawbia, kupia kumi lâka bara wapni lâka ba wal ai mawan kiawalbia,

Impakan Sturka 13:9

Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna.

Impakan Sturka 34:6

Moses mawanku lui, ai bîla baikra tara buki win: —¡Dawan ba! ¡Dawan ba! ¡Gâd kupia swapni umpira kaiki ba, ai kupia alki takaski, latwan kaikaia lâka tara bara kasakka lâka sin bri ba!

Sins Lâka 1:9

Kan man mampara prana kum painkira kabia: Sim lilura awa kum, apia kaka kraun kum baku.

Sins Lâka 14:22

Ya nani saura daukaia pliki ba, yabal ba tikisa; ya nani yamni daukaia pliki ba, latwan lâka bara diara daukaia luki ba, witin dukia sa.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 20:28

King ai iwaika ba kasak pali main kaikisa latwan lâka ba bara kasak lâka ba pain dauki ba ra.

Sins Lâka 6:21

Piu bani ra kupiam purara brih was; namna ra wilki bris,

Sins Lâka 7:3

Baha nani mihtam sirpi nani ra wilks; lukankam kat ulbi mangks.

Jirimaya 17:1

“Juda, man saura daukram ba sisil ni klaki ayan ra ulban sa, daimans kakma ni klaki ulban man kupiam walpaya ra, altarkam nani aringka ra, ayan sisilka kakma daimans bri ba ni klaki ulban sa.

Oseas 4:1

Israel luhpia nani, Dawan aisi na man nani wals. Naha kuntrika ra iwi uplika nani mapara witin mita unsaban bukan sa, kan uplika nani na ai tilara wapni lâka daukras sa. Kasakka lâka âpu, Gâd tânka kaikaia tânka sin âpu sa.

Malaquía 2:6

Libai smalkanka tâski âpu kasakka tânka kat smalki kan. Yang wal wapni, kupia kumi lâka, upla ailal saura wina yamni ra lakan.

Matiu 23:23

“¡Lâ Smasmalkra nani bara parisi nani, kuninkira nani, man nani mampara saura pali kabia!, diara matawalsip bani wina kumi Gâd ra yabaia ba, man nani baha mint wahia, anis bara kumin wina yabisma, sakuna lâ smalkanka tara nani ba lika bîla walras, baha nani sika umpira kaikaia lâka ba, kasak wapni kaia lâka ba. Baha sika man nani daukaia sma ba, bara wala ba sin swiras ban dauki kaia sma.

2 Korint 3:3

Man nani sika Kraist pali mita ulban wauhkataya kumi sma ba, bara yang nani bâk blikan ba. Man nani sika wauhkataya kumi ink laya ni ulbras ba, sakuna Gâd rayakira Spiritka ba ni; naha lika wauhkataya kumi walpa ra ulban ba sâtka lika apia, kuna upla nani kupia ra ulban ba.

Epesus 5:9

kan ingni ba latwan lâka brih aula, kasakka lâka bara rayaka wapni briaia lâka sin.

Kli Smalkanka 6:8

Naha lâka na sain kum baku, mihtam ra wilki brih was bara lamla purara sin,

Hibru Nani 10:16

“Baha yua nani ningkara witin nani wal lâ daukamna ba, naku kabia wisa, Dawan bila: Yang lâika nani ba witin nani kupia ra mangkamna, bara ai lukanka nani bilara baha nani ba ulbamna.”