Sins Lâka 3:10 - DAWAN BÎLA AISKA

¹⁰ Baku lika aibanhbia pura lui kira, patam watla bara wainkam auhbaia watla nani ba sin.

Sins Lâka 3:10 ပူးပေါင်းရင်းမြစ်များ

2 Kronikas 31:10

bara Azarías prîs tara ba, Sadoc taika wina ba, witin aisin: “Dawan tempelka ra prisantka nani bri balan ba wina, yawan plun piaia aitani brisa, kau manis pura takaskisa; kan Dawan bui ai uplika nani ra yamni munan bamna.”

2 Kronikas 31:21

Diara nani sut Dawan tempelka dukiara wark daukan ba, bara lâka nani ba sin, naha daukan sut ba ai kupia aiska Dawan lâka pliki daukan; baha mita dîa daukan sut ba yamni takan.

Lawana Nani 144:13

Wan pata watla nani ba banhki sa; banhki sa plun sâtka nani wal. Wan daiwra daknika nani ba tausin nani sahwisa wan nasla nani ba tausin bara tausin brisa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 22:9

Upla wala ra yamni kaiki uplika ba, yamni pali munan kabia, witin ai pata ba wina umpira nani ra yabi bamna.

Joel 2:24

Bara plawar mâ ailal krikan kabia, wain mâ sin ailal pali takbia, batana laya sin pura laiwi kabia.

Hageo 2:19

Aitani, sakuna naiwa yua wina man nani kaiki bas, plun mâ auhbaika ra kli plun âpu kabia apia. Wain kiwka ba kau ai mâ sakras sa sakuna, kwah damni dusa sin apia; drap tara sin apia, oliv dusa sin kau pawras sa; sakuna naiwa yua wina yamniki man nani wal ban kabia.’ ”

Matiu 10:42

Bara ya ya baha sirpika nani kum ra, nini bliki ba dukiara lî kauhla kâp kum pan yabia kaka, ai prisantka briaia kabia.”

Kli Smalkanka 14:29

Bara Libait nani tasba briras kan ba balbia, apia kaka tringsar nani, rau nani, piarka nani sin, sip kabia ai âuyapah piaia. Baku Dawan Gâdkam bui dîa sut daukma ba yamni munbia.

Kli Smalkanka 28:8

“Dawan patam auhbaika watla ra ai yamnika blîkbia, diara wala nani dauki kama ba ra sin, bara kuntrika maikaia ba ra lilia iwi kaia mai daukbia.