Sins Lâka 29:6 - DAWAN BÎLA AISKA

⁶ Watawikira nani mina alkaika ba, witin nani un saurka lâka ra sa; kuna upla kasakkira ba lika aiwani lilia kabia.

Sins Lâka 29:6 ပူးပေါင်းရင်းမြစ်များ

Lawana Nani 11:6

Upla watawikira nani purara Dawan mita yaka masku aswi ba, pauta klauhan, sulpa lî auhi baku blîkbia, yaka pâsa krawi diara sut angkbia. ¡Witin nani briaia aitani ba, Dawan bui witin nani ra yabia!

Lawana Nani 118:15

Upla kasakkira nani watla ra lilia man aiwanisa pura luan lawana: “¡Dawan karnika ba mita pura luan lâka ba alkan sa!

Lawana Nani 132:16

Witin ai prîska nani ra swaki sakan lâka kwalka dingkamni; bara baha uplika kasak nani ba, yarka lilia ni wini kabia.

Lawana Nani 97:11

Ingni ba ingwisa, upla kasakkira nani dukiara, lilia lâka ba upla kulkanka bri nani ingnika sa.

Impakan Sturka 15:1

Bara Moses lika Israel luhpia nani aikuki naha lawana aiwani, Dawan ra mayunan: “Dawan ra yamni kulki aiwanamni, pura luanka kum aihkakira brin ba, aras âiulra nani araska kabu ra rungki tikan bamna.

Sins Lâka 10:28

Kasakkira nani ai kanra briaia luki ba lika lilia lâka; sakuna watawikira nani ai kanra bîla kaiki ba lika tanis tiwaia lâka ba.

Sins Lâka 12:13

Upla watawikira ba, ai kuninka aisi ba tilara aiblakwisa, sakuna kasakkira ba lika trabil saura wina swak takisa.

Sins Lâka 22:5

Kiaya nani, kiwa wilkanka nani, upla warha yabalka ra bâra sa: sakuna ya ai rayaka aihwaki kaiki uplika, baha nani wina laihura wabia.

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Smasmalkra 9:12

Tani wala ra, upla kumi sin ai dahra walras, ahkia pali ba ai piua kabia; baku sin inska nani ba ilis ra aimaki sip takras, bara piawira nani ba sin ai dara walras daiwan alkaika ra diman sip takras ba, baku sin upla ba bîla kaikras kan pat pât ra dimisa.

2 Timoti 2:26

Bara baha ningkara, witin nani ai sinska ra kli tawbia, bara dibil mita priski bri ba wina pri takbia, witinka ra dîa want ba daukaia luki bamna.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

1 Jan 1:4

Baku bamna, sturka nani na mai ulbisna, lilia lâka brisma ba, aiska pali takbia dukiara.

Wihta Nani 20:41

Israel luhpia nani witin nani ai mapara ai mawan wilbi kir lakan, bara wala nani ba kupia lap tiwan, sirang tara iwan sauhki tikan lâka tara ba pat witin nani ai purara aula ba dukiara.