Sins Lâka 29:4 - DAWAN BÎLA AISKA

⁴ King lâ wapni aisi dauki ba mita, tasbaya ba buki bapisa; sakuna lal mana sakaia upla ra taibi makabi waitnika, ai tasbaya ba dringbisa.

Sins Lâka 29:4 ပူးပေါင်းရင်းမြစ်များ

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

1 King Nani 2:12

Bara Salaman ai aisika Debit king iwaika ra iwan, bara ai king lâka ba ban kan sip lakras.

2 Kronikas 9:8

¡Dawan Gâdkam ba yamni pali kabia, witin aitani lukan bara man lika Israel kingka iwaika ra iwaia mai mangkan ba! ¡Dawan lika piua bani Israel ra latwan kaikisa, bamna mai mangkan sa, witin nani ba asla kukaia lâ wapni bara kasak kat daukaia!”

Job 11:6

Witin sins lâka tânka yukuwan ra ba mamrikbia, baha ba uya pali karna sa tânka briaia. Baku lika kaikaia kapram Gâd mita man klala briaia kapram ba praiska sin kau maikras ba.

Lawana Nani 89:14

Man king iwaikam ba kasakka lâka, bara upla raitka bâra bapan sa, latwan lâka ba bara kasakka lâka ba wal prawisa.

Lawana Nani 99:4

Man ba king kum karnakira sma, man sin kasakka lâka ra latwan kaikisma man bui bapram, wal baku kaia lâka ba; Jekob luhpia nani ra, kasakka lâka ba bara wapni kaia lâka ba sin.

Sins Lâka 14:34

Kasakka lâka nisanka ba tara sakisa; sakuna saurka lâka nisan nani ba, swira lâka pali sa.

Sins Lâka 16:10

Dawan aisin bîla ba wina king ba brih aisisa; bamna lâ aisi daukaia tilara, ai bîla wina kunin aisabia apia.

Sins Lâka 16:12

Watawi daukaia lâka ba, king nani bui saura pali kaikisa; king iwaika ba, kasakka lâka ni dutki bapan sa bamna.

Sins Lâka 20:8

King ai iwaika ra lâ wapnika daukaia iwi ba ra, ai nakra nani ni kaikan ba baman, diara saura nani sut âpu daukaia.

Sins Lâka 29:14

King kumi kasak tânka kat upla umpira nani lâka aisi dauki ba, witin iwaika ba lika ban kaia ra dutki bapan kabia.

Sins Lâka 8:15

Yang ra sika tingki ai wiaia sa, king nani king aimaki ba, wihta tara nani sin ai raitka ba, adar nani sin ulbi ba.

Aiseya 49:8

Dawan ba wisa: “Piua nani balan sa yang kupi yamnika lâka ba mamrikaia, bara mai aisari; swak takan lâka ba balan sa, bara hilp mai munri. Yang kainam kahbri man dukiamra tawan wal lâ daukri ba, kuntri ba kli paskaia, yabrika tasba sauhkan bîla man ba kli ai mihta ra bribia dukiara.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Daniel 11:20

‘Ai watlika ra king wala aimakbia, lal mana wawahbra kum blîkbia ai king tasbaya ba yuyakira daukaia dukiara; sakuna yu kum kum ningkara ikan kabia, baha ba aiklabaia pliska pali ra lika apia kabia.

Miqueas 7:3

Witin nani lika, diara saura daukaia smasmalkrika nani sa; wark lalka tara nani ba, pana yabia dukiara taibi munisa, lâ dadaukra nani ba ai mana tara kulki implikisa; upla tara karnika bri ba sin, ai kupia brinka ba kat baman lâ nani ba daukisa, bara tawan uplika nani sin witin nani dauki ba wal warha daukisa.

1 Samuil 13:13

Samuil pana win: —¡Man daukram ba lika tanis lâka kum sa! Man Dawan mai win ba bîla kat wali daukram kata kaka, kingkam lâka ba ban kaia ra bûi kaia kan.