Sins Lâka 29:25 - DAWAN BÎLA AISKA

²⁵ Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Sins Lâka 29:25 ပူးပေါင်းရင်းမြစ်များ

Blasi Sturka 20:11

Bara Ebraham pana witin ra win: —Yang lukri naha tasbaya ra Gâd ra kulkaia lâka ba âpu sa; bahamna yang mayi ba tâwan, yang ra ai ikbia luki, baha mita baku wîri.

Blasi Sturka 20:2

Bara witin bahara iwi kan ba ra Ebraham ai maya Sara dukiara upla nani ra win Sara ba witin ai lakra. Bamna baku Abimélec Guerar kingka ba, Sara ba ai mairka briaia paiwan.

Blasi Sturka 26:7

Bara bahara tawanka uplika nani ba ai maya ba dukiara makabi wali kan, bara witin pana win: “Witin ba yang laikra”, kan witin sibrin luki kan, ban kra yang mayi wibia kaka, Rebeca tâwan baha waitnika nani mita witin ra ikbia luki kan, kan Rebeca ba mairin painkira kan bamna.

1 King Nani 19:3

Bara ai dara walan diara saura takisa witin ai mapara, bara ai rayaka swaki sakaia dukiara Beerseba ra wan, baha ba Juda tasbaya kata, ai albika lika bahara swin.

1 Kronikas 5:20

sakuna witin nani ra Dawan bui tâ baikan bamna, Agar uplika nani bara dakni nani kum kum Agar uplika wal asla takan kan nani ba sut ai mihta ra kauhan, kan war aiklabi kan piua ra witin nani Dawan ra makaban ai tâ baikbia dukiara, bara Dawan bui tâ baikan, witin nani Dawan ra kasak lukan ba mita.

Lawana Nani 118:8

Kanra yamni sa, Dawan ra man kasak lukaia, upla ra kasak lukaia ba watlika ra.

Lawana Nani 119:117

Hilp ai muns bara swaki ai sakan kabia, bara man lâmka bîla nani ba aiska daukamni yu bani ra.

Lawana Nani 125:1

Baha uplika nani, Dawan ra kasak luki ba, kitras ban bâra kabia sin Saion ilka ba baku, ban kaia ra bâra ba baku.

Lawana Nani 69:29

Sakuna yang lika siknis bara sari sna, Dawanki ai buks, bara swaki ai sâks.

Lawana Nani 91:1

Baha uplika, Laih Purara bâra ba karnika bara distika ra ai yukuwaika bri iwi ba,

Lawana Nani 91:14

“Yang bui swaki sakamna baha nani sut ba mihta wina, kan witin latwan ai kaikisa ai kakaira ba mita.

Sins Lâka 16:20

Ya pain pura kaiki tâ bribia ba, diara sut ra pain baman kabia, ¡yamni kabia baha nani Dawan ra kasak luki ba!

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Sins Lâka 28:25

Gridikira uplika ba aiklaban bukisa, sakuna Dawan kat luki tniwi uplika mapara diara sut pain takbia.

Sins Lâka 30:5

Dawan ba kan kahbisa ya witin ra kasak luki ba, ai bîla aisinka ban ba kasak aihwa sa.

Smasmalkra 7:18

Kau yamni sa naha na dutki pali alkaia wan mihta alkan ba wina baha ba lanhkaia apia. Gâd ra kulki ba naha diara nani sut na wina pain takbia.

Aiseya 57:11

“¿Baha gâdka nani ba ya sa, bahara man sibrinkira mayuni kapram ba, bara man bui yang maipara kasak apia ba bara aiska pali âmya ai tikram ba? Man sin yang ra pain ai kulkras katma ba ra, yang âpu baku sâp katna.

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Daniel 6:23

Bamna king ba lilia pali takan, bara win Daniel ba layan nani watla wina sâkbia. Witin nani sakan, bara kaikan Daniel wîna ra insauhkan lupia kumi sin âpu kata, kan witin ai Gâdka ra kasak luki kan ba mita.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 15:12

Bamna disaipil nani Jisas lamara bal makabi walan: —¿Kaikisma ki parisi nani man aisaram ba wali, ai kupia baikan ba?

Luk 12:4

“Man nani, yang upliki nani sma ba, naha mai wisni: Sibrin lukpara baha nani wînam tara ikbia, sakuna ningkara diara wala kumi sin sip mai munras ba.

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 9:22

Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

Wihta Nani 16:11

Samson kli witin ra win: —Witin nani kiwa raya kau yus munras ba ni ai priskbia kaka, yang karniki âpu, waitna wala nani wal baku takamna.

1 Samuil 15:24

Bara Saúl bui Samuil ra win: —Âu, yang saura daukri, Dawan adarka nani pura lui wari, man kupi kraukram bîla nani sin bîla walras kapri, upliki nani ra sibrin lukri bara witin nani bîla wali makabanka ba kat daukri.

1 Samuil 21:13

Baha wina witin nani mawanra ai lal saura takan puli kan, kunin dauki sinskas baku dur nani ra lilka nani dauki kan, ai unmaya pura bâk bîla laya taki kan.

1 Samuil 27:1

Ban sakuna, Debit luki kan: “Naiwa, yauhka kra Saúl ai ikbia. Baha mita kanra yamni yang filisteo tasbaya ra plapamna, bara Saúl ai âuyapah ai swibia, Israel tasbaya aiska ra sin kli ai pliki tauki kabia apia. Baku lika Saúl mihta wina swak takamna.”

1 Samuil 27:11

Debit bui waitna kum, mairin kum pan raya swiras kan. Debit baha daukan, upla kum kra Gat ra wih ai dahra aisabia sîa. Debit filisteo ra iwi kan piua nani sut witin baku daukan.