Sins Lâka 29:23 - DAWAN BÎLA AISKA

²³ Upla prautkira ai prautka mita witin ba tasba ra batakbia, kuna ai spiritka ra mâyara bawi uplika ba mayunra alkbia.

Sins Lâka 29:23 ပူးပေါင်းရင်းမြစ်များ

Job 22:29

Kan Gâd lika pura luan dauki ba mâyara batakisa, bara bawikira ba swaki sakisa.

Job 40:12

Âu, namkra ni slingbi bataks, saurakira nani ba, ani anira kaikma ba ra âpu taibi dauks.

Sins Lâka 11:2

Praut lâka briaia ba, kulkras lâka nani bukisa; sins lâka lika umpira bawikira nani wal sa.

Sins Lâka 15:33

Dawan ba kulkanka yabaia ba lika, sins lâka tânka wan smalkisa; kulkanka tara briaia kaka, tâura bawan lâka bri kaia sa.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Sins Lâka 16:19

Kanra yamni sa, umpira nani aikuki bawan lâka bri kaia ba wihki yuyakira takaia, prautkira nani wal.

Sins Lâka 17:19

Ya uplika saura munaia lihki ba, unsabaia sin lihkisa. Ai mayunra ba ban ai wîna ra sauhki tikisa.

Sins Lâka 18:12

Waitna kupia praut pali taki ba wina bâk wan krikaia lâka takisa; kuna bawikira lâka ba wina, yamni wiaia lâka balisa.

Sins Lâka 22:4

Dawan ra bawaia lâka bara pain kulkaia lâka ba wal baha wina lika prisantka dukia kukanka nani takisa, yamni kulkan lâka bara rayaka sin.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Abdías 1:3

Il walpaya tara baiwanka nani bilara laih purara iwisma bamna, kupiam prautka mita kunin mai munan sa, bara wisma: ¿Ya pali mita naha wina ai batakbia?

Matiu 18:4

Baku bamna, Gâd king aimaki lâka ra kau tara ba, bawikira lâka bri kabia ba sin naha tuktika lupia na wal baku.

Matiu 23:12

Kan ya tara puli ba, mâyara ikan kabia, sakuna ya mâyara bawi ba, tara daukan kabia.

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Luk 14:11

Kan ya tara kaia lukbia ba, mâyara tawbia, bara ya mâyara ba, tara kulkan kabia.

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”