Sins Lâka 29:20 - DAWAN BÎLA AISKA

²⁰ Upla taniskira ba kau bîla kaikaia brisa wihki, waitna kum diara luki, kaikras ban inipis sturi aisi ba wal.

Sins Lâka 29:20 ပူးပေါင်းရင်းမြစ်များ

Sins Lâka 14:29

Upla ai kupia alki takaskaia lâka manis bri ba, sins tânka bri ba marikisa; sakuna sip ai kupia alki takaskras uplika ba, tanis lâka tânka marikisa.

Sins Lâka 19:2

Yamni apia sa diara tânka pain briras kira wark karna dauki kaia; bara aihni wapi ba mistik manis daukisa.

Sins Lâka 21:5

Aman pali luki kaiki daukan dukia nani ba sut pain takisa; sakuna istikira man daukan dukia ba, sut slingwi tiwisa.

Sins Lâka 26:12

Taniskira wina kau bîla kaikaia sip sa, wihki ya uya sinskira puli ba wal.

Sins Lâka 29:11

Upla taniskira ai kupia laptika tara ba sut saki aisisa, sakuna sinskira ba baha alki takaski ai kupia daskisa.

Sins Lâka 29:19

Wan bîla nani aisin baman ba mita ni alba ba sip smalki wapni daukras sa, kan witin tânka brisa, sakuna bîla walras.

Sins Lâka 29:21

Ya ai albika ra tukta wina lihki diara pain nani sut yabi paki ba, tnata ra witin yu kum inaia kabia.

Smasmalkra 5:2

Aihni daukpara, bîlam wal sin apia, lukankam wal sin apia, Gâd ra pramis takaia wipara, kan witin ba kasbrika purara sa, man lika tasba ra sma bamna. Baha mita, man sturi wiria baman aisas, dîa sip sma ba kat.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.