Sins Lâka 29:2 - DAWAN BÎLA AISKA

² Kasakkira nani pura aimaki ba ra, upla nani ba lilia takisa, sakuna upla watawikira kum wihta aimaki ba ra, upla nani ba pât wahwisa.

Sins Lâka 29:2 ပူးပေါင်းရင်းမြစ်များ

Ester 3:15

Bara wauhkataya twatwilkra nani ba, mahka brih taki wan king adar yaban ba kat. Naha lâ wauhkataya ulban ba Susa kan kahbaika pliska bri ba ra param sakan; bara baku dauki si, king ba Amán wal lika di kan, sakuna Susa tasbaika tara ra lika kupia turbanka ailal pali bâra kata.

Ester 8:15

Bara Mardoqueo ba king watla ba wina, king kwalka mapla sangni bara pihni wal dimi taki wan; baha purkara sin, kraun gul wal daukan kum bara kwala mapla linin kumi sin pami brih taki wan. Bamna Susa tawanka aiska ba lilia tara pali brin,

Job 34:30

Baku mika upla nani wihtka aimakbia apia, watawikira kum upla ra kunin mamunra ba.

Sins Lâka 11:10

Kasakkira nani mapara diara pain auya ba ra, tawan ba ai âuyapah kira takisa; bara watawikira nani tanis tiwi ba ra, upla nani lika lilia pali pulisa.

Sins Lâka 28:12

Kasakkira nani pura luanka brisa ba ra lilia tara daukisa, sakuna upla watawikira nani pura luanka bri ba ra, upla nani mahka yukuwi banhwisa.

Sins Lâka 28:15

Layan ihbi ba, wingku tara sin plun wahwi ba, baku sa upla wihta watawikira kum, umpira uplika nani wihtka aimaki ba.

Sins Lâka 28:28

Upla watawikira nani pura lui buya ba ra, upla wala nani mahka yukuwisa; sakuna witin nani âpu taki tanis tiwi ba ra, kasakkira nani ba mita kli pura lubia.

Smasmalkra 10:5

Tânka briri swakwanka kum naha tasba ra dauki ba plamaika ba, wihta aimaki nani ba wina bal takisa.

Smasmalkra 10:6

Sinskas nani ra wark tara daukaia yabisa, bara upla kau tara ba wark bahki ba yabisa.

Smasmalkra 4:1

Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Matiu 2:16

Herod kaikan sinskira nani witin ra kunin munan, bara ai kupia baiwan. Bara adar yaban Betlehem ra bara baha tawanka lamara iwi tuktika waitna sirpi mani wâl bri ba wina ai mâyara ba sut ikaia, sinskira nani bal witin ra win ba piua pali ba kat.

Matiu 2:3

King Herod naha walan, witin bara Jerusalem uplika nani aiska kira sin sibrin takan.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”