Sins Lâka 29:1 - DAWAN BÎLA AISKA

¹ Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Sins Lâka 29:1 ပူးပေါင်းရင်းမြစ်များ

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 18:18

Bara Ilayas win: —Yang apia trabil dauki ba, sakuna man bara uplikam nani wal, Dawan lâka nani ba swi si Baal nina ni bliki banhram.

1 King Nani 20:42

Bara prapit ba witin ra win: —Dawan naku wisa: ‘Man mita waitnika ba swiram plapan, witinka pruaia pâtka brin kata ba; rayaka ba mana man rayakam ni aibapaia sma, uplikam nani ba witin uplika nani wal kulkan sa.’

1 King Nani 22:28

Kau ban Micaías aisin: “Man raya kli balma kaka, Dawan ba yang bâk aisaras kan.”

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

2 Kronikas 33:10

Dawan bui Manasés ra bara ai uplika nani ra sin aisin, sakuna witin nani Dawan ra walras kan.

2 Kronikas 36:13

Baku sin king Nabucodonosor mapara sin buan, kan witin ra yaban Dawan nina ra swer takan wal ai uplika kaia, bara witin sin ai lukanka karna brin Dawan ra tawaia apia, Israel Gâdka ra.

Nihimaya 9:29

Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Impakan Sturka 9:7

King fero upla blikan wan Israel luhpia nani daiwra nani kaikaia. Bara kaikan baha nani kumi sin pruras kan. Ban sakuna, witin ban kau ai kupia karna daukan, Israel luhpia nani ba swin taki waras kan.

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Sins Lâka 28:18

Upla kasakkira swak takan lâka ra mangkan kabia, sakuna yabal warha ra tauki nani ba lika, trabil kum ra kauhbia.

Sins Lâka 28:28

Upla watawikira nani pura lui buya ba ra, upla wala nani mahka yukuwisa; sakuna witin nani âpu taki tanis tiwi ba ra, kasakkira nani ba mita kli pura lubia.

Sins Lâka 6:15

Baha mita minit kumi ra sauhki tikan lâka ba balbia; wan nakra klipan kumi ra. Hilp âpu kira aisawi takaskan kabia.

Aiseya 28:22

Bamna, ¡nanara man nani, upla mina praprukra lawaska kakikra nani kapara!, mai priskanka nani ba kau karna mai taibaia apia. Kan sauhki tikaia karnika sut bri Dawanka ba wina yang walri, pat luki kaikan sa kuntri aiska purara daukaia ba.

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Jirimaya 17:23

Witin nani lika yang ra walras bîli wali daukras kan, sakuna kau lal karna takan wali lan taki wapni takan daukras.

Jirimaya 36:31

man ra, man kiamkam ra, baku sin wihtkam tara nani ba sut ra sin saurkam daukram mana klala maikamna. Pât nani balaia yang aisari ba man nani puramra, Jerusalem uplika nani purara bara Juda uplika nani sut purara balaia daukamna. Man nani sut sin baha aisinka ba walras baku kapram ba.’ ”

Abakuk 2:7

Man damra walras kama piua ra, traska dimram uplika nani ba pat balan kabia, rau mai sasauhkra nani ba raki buki brih bal, dukiam nani ba sut mihtam dakbi, diara luha mai swibia.

Jan 13:18

“Man nani sut dukiamra lika aisaras sna, kan yang kaikisna ani uplika nani ba bâk saki briri ba. Ban sakuna, Ulbanka dîa aisi ba sut aimakaia sa: ‘Yang wal plun pi ba maipara buan sa.’

Jan 13:26

Jisas pana win: —Yang brit pîs buski yaura yamna ba, baha sika. Bamna witin brit pîs brih buski, Saiman luhpia Judas Iskariot ba ra yan.

Apastil Nani Sturka 1:18

Sakuna ai saurka mana aibapan lalahka ba ni, witin wih tasba kum atkan, ningkara witin ai lal tani tasba ra kauhan, bara ai biara nani sut baiwi latara takan.

Apastil Nani Sturka 1:25

apastil warkka ra aimakaia, kan Judas lika baha warkka ba swi si tanis tiwan sa, witin waia kan pliska ra wan bamna.”

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

1 Samuil 2:25

Upla kumi upla wala mapara saura daukbia kaka, Dawan ba sip sa witin tâwan aimakaia; sakuna upla kum Dawan mapara saura dauki ba, ¿ya witin tâwan aisabia?” Sakuna witin nani ai aisa bîla walras kan, Dawan sin pat lukan kata witin nani rayaka ba sakaia.

1 Samuil 2:34

Luhpiam nani Hofní bara Finees wal ba yu kumi ra wâlsut prubia, baha ba kiamkam nani sut baku ikan kabia tukinka man ra.