Sins Lâka 28:8 - DAWAN BÎLA AISKA

⁸ Ya ai yuyaka ailal dauki brisa kaka, lin muni pura praki diara bri ba mita, upla umpira nani ra yamni muni ba, uplika nani ra yaia kukisa.

Sins Lâka 28:8 ပူးပေါင်းရင်းမြစ်များ

2 Samuil 12:6

¡Bara baha sîpka lupia mana kulkan ba, aima walhwal aibapaia sa, witin umpira kaikan lâka luha baku daukan ba mana!

Lawana Nani 72:13

Bawikira nani ra ai kupia swapni bribia, bara umpira nani rayaka ba swaki sakan kabia.

Impakan Sturka 22:25

“Upla umpira kum ra lalah lin munma kaka, yang upliki nani man nani aikuki nâra na tila wina, witin mapara munpara lalahkam purara kau praki witin wina briaia, lalah lin mamunra nani dauki ba baku.

Sins Lâka 13:22

Upla yamni ba ai dukia kukanka ai mula nani dukia swisa, sakuna saura dadaukra ai yuyaka manis bri ba, upla kasakkira nani dukia suni swisa.

Sins Lâka 14:21

Ya ai walka ra bahki kulki uplika lika, saura kum daukisa, sakuna upla umpira nani ra yamni muni ba âuyapah kira sa.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 19:7

Upla umpira ba, muihnika nani sut mita sin witin ra misbara kaikisa; kau asla ai uplika nani sin, witin wina laihura itwi takisa.

Smasmalkra 2:26

Baku bamna Gâd sins lâka yabisa, diara tânka briaia lâka; bara ai liliaka sin, yaura witin yamni luki uplika ra; sakuna saura dadaukra ra yabisa wahbi kukaia, ningkara ani uplika Dawan yamni kaiki ra yabisa; baku sin baha ba bahki baman sa, pâsa ra alkaia baku pitka.

Isikiel 18:13

lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

Isikiel 18:17

ya upla kum ra sin saura munras, lalah upla ra lin muni kli baha pura praki mana briras; lâika nani ba daukisa, adarki nani ba diara daukisa; baha waitnika ba ai aisika saurka mana prubia apia. Kasak aisisna witin raya kabia.

Isikiel 18:8

upla ra lalah lukan tâski wal lin munras bara sin taibi muni, pura praki mana sakaia ba daukras; upla kumi ra sin saura munras; upla wâl unsabanka ba lâ kasak kat daukisa;

Libait Lâka 25:36

Diara lin munma ba, kau pura praki briaia kulkpara; baku daukaia watlika ra, Gâdkam sibrinka brisma ba mariks, uplikam baku wamtla ra bris.