Sins Lâka 28:4 - DAWAN BÎLA AISKA

⁴ Mahka lâ yamni swin uplika nani ba mita, upla watawikira nani ra mayunisa; kuna lâ ban brih dauki banhwi ba lika, baha nani ba mapara buisa.

Sins Lâka 28:4 ပူးပေါင်းရင်းမြစ်များ

1 King Nani 18:18

Bara Ilayas win: —Yang apia trabil dauki ba, sakuna man bara uplikam nani wal, Dawan lâka nani ba swi si Baal nina ni bliki banhram.

1 King Nani 18:21

Bara Ilayas upla nani ba lamara wih win: —¿Ahkia kat man nani ba lukankam wâl brisma ba swiaisma? Dawan ba Gâd sa, ai nina blîks, bara Baal ba gâd sa kaka, witin ninara was. Bara upla nani pana diara aisaras kan.

Nihimaya 13:15

Bara baha yua nani ra Juda ra yang kaikri, tila upla nani wain mâ taibi laya saki kan, ris briaia yua ra wain daukaia. Baha purkara sin, plawar mâ nani sin twilki kan, bara muyul nani ba sin wain mâ wihta nani, kwah damni mâ nani bara diara sât sât nani karbanka sut pali twilki kan, ris briaia yua ra baha dukia nani ba Jerusalem ra brih wi kan. Yang bui witin nani ra lawi daukri baha yua ra witin nani diara bri si atki ba tâwan.

Nihimaya 13:28

Bara prîs tara Eliasib luhpia waitna Joiadá luhpia waitna nani tila wina kumika ba Sambalat, Horón wina kata ba dapnika kan, baha tâwan maiwan wina munri plapan.

Lawana Nani 10:3

Upla watawikira ai brinka ba dukiara aimayunisa; upla gridikira ba, Dawan ra kulkaia apia wisa, bahki kulkisa.

Lawana Nani 49:18

Witin raya iwi bara lilia âmyapah iwi kabia kra, bara upla sin mayuni kabia yuya brisma ba mita.

Jirimaya 5:30

‘Diara saura, sirang wan iki ba, naha tasbaya ra takisa.

Matiu 14:4

Jan mita Herod ra naku win kan: “Witin na man mayam baku briaia sip apia.”

Matiu 3:15

Sakuna Jisas bila: —Nanara lika baku ban swis; kan dîa Gâd wi ba kat yawan daukaia sa. Baku lika Jan aitani lukan.

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Apastil Nani Sturka 12:22

Bamna upla nani ba ai bîla baikra tara ni winan: “¡Naha aisi na lika upla apia, sakuna gâd pali kum aisisa!”

Apastil Nani Sturka 15:2

Naha diara na dukiara, Pal Bernabé wal baha uplika nani aikuki kasak blahwan. Ningkara, Pal bara Bernabé, bara upla tila nani sin sakan Jerusalem ra waia, apastil nani bara serts tâ uplika nani aikuki, naha tânka na dukiara aisi kaikaia.

Apastil Nani Sturka 19:9

Sakuna tila nani ai kupia karna daukan, kasak sin lukan daukras kan, kau ni upla nani mawanra sturi yamni ba mapara saura ni aisin. Bara Pal baha nani swi si, kristian nani ba Tirano skulka watla ra brih wan; bahara witin yu bani aisi kan.

Roman 1:32

Witin nani pain kaikisa Gâd lâ mangkan sa, ya naha sât dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.

Epesus 5:11

Diara bahki nani tihmia uplika nani dauki ba wal sin prawpara; sakuna kau pain sa baha diara nani ba ingni ra sal sâkma.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

1 Jan 4:5

Witin nani ba lika naha tasba wina sa, bara baha mita naha tasba dukia nani baman aisisa, bara tasba uplika nani mita lika witin nani bîla walisa.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.