Sins Lâka 28:25 - DAWAN BÎLA AISKA

²⁵ Gridikira uplika ba aiklaban bukisa, sakuna Dawan kat luki tniwi uplika mapara diara sut pain takbia.

Sins Lâka 28:25 ပူးပေါင်းရင်းမြစ်များ

Lawana Nani 84:12

Dawan karnika sut bri ba, ¡lilia pali sa baha nani witin ra luki ba!

Sins Lâka 10:12

Misbara lâka ba unsaban lâka nani bukisa, sakuna latwan lâka lika, lâ sauhkanka nani ra pura praki bikisa.

Sins Lâka 10:3

Dawan ba upla kasakkira ra sanglang wahwaia yaras, sakuna watawikira nani ra alki takaskisa, brinka nani ba daskaia.

Sins Lâka 11:25

Ya kupia pain ba, yamni ra pâwisa; ya diara yui ba, baku sin brin kabia.

Sins Lâka 13:10

Praut lâka bri ba wina lika unsaban baman sâkbia, kuna sins lâka ba lika, bawan lâka bri uplika nani ba wal sa.

Sins Lâka 13:4

Upla sringwaskira kupia ra diara brin dauki ba bribia apia, ya wark takbia ba lika, tara pâwan kabia.

Sins Lâka 15:18

Kupia baiwrira waitnika lika, unsaban bukisa; ya kupia swapni ba, unsaban ba lamni daukisa.

Sins Lâka 15:27

Upla gridikira lika, witin ai watla bilara trabil bukisa, sakuna taiban lâka mana briaia waihla ba lika, raya kabia.

Sins Lâka 15:30

Wan nakra nani ingnika mita wan kupia lilia sakisa, bara bîla dahra yamni walan ba mita, wan karnika raya wankisa.

Sins Lâka 21:24

Praut lâka ra ai wîna tara puli uplika ba nina, “Lawaska Kakikra” mâkan sa, witin ai kupia baiki praut luki ai warkka dauki ba.

Sins Lâka 22:10

Lawaska kakikra ba kangbi sâks, bara blahwan lâka taki wabia, bara aiklabanka ba takaskbia, bahki wan kulkan lâka ba sin.

Sins Lâka 29:22

Lawan tara bri waitnika ba blahwan bukisa, bara kupia lapta uplika piua bani lâ manis sauhki unsabisa.

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

1 Timoti 6:6

Gâd ra luki kaia lâka ba mita upla ra yuyakira daukisa, sakuna uplika ba baha bri ba wal ai âuyapah sa kaka.