Sins Lâka 28:24 - DAWAN BÎLA AISKA

²⁴ Upla âikra nani ai uplika bri ba sika ai papika ra impliki, ai yaptika ra sin impliki bara wisa, witin saura daukras.

Sins Lâka 28:24 ပူးပေါင်းရင်းမြစ်များ

Lawana Nani 35:10

Lukanki aiska wimni: “Dawan, ¿ya ba man wal baku wala bâra sa? Karna nani, umpira nani ra pri sakisma. Baha nani witin wal kau karna nani ba, baha nani ra taibi dakbi ba.”

Sins Lâka 13:20

Sinskira nani wal tauki bas, bara sinskira kama; taniskira nani wal tauki bas, bara mai sauhki mai tikbia.

Sins Lâka 18:9

Sringwaskira nani bara sauhki tatikra nani ba wal, ai muihni pali takisa.

Sins Lâka 19:26

Ai aisika ba rausauhkaia, ai yaptika sin kangbi latara saki ba, swira dauki daukanka baha luhpia ba swira daukaia sa.

Sins Lâka 22:9

Upla wala ra yamni kaiki uplika ba, yamni pali munan kabia, witin ai pata ba wina umpira nani ra yabi bamna.

Sins Lâka 28:7

Ya Gâd lâka alki yamni brih uplika ba lika upla luhpia sinskira sa, sakuna bîla maihsira nani ai pânika bri ba lika, ai papika swira tara paskisa.

Wihta Nani 17:2

baha waitnika ba ai yaptika ra ai dahra sakan: —Man silbarkam mâ 1,100 âimplikra bal implikan wisi bara implikan bâra ba, sakuna lalahkam ba yang implikri kan; bamna lalahkam yang brisna bara maikisna, kan yang walisna man aisisma baha lalahka ba Dawan ra yabram kan, gâd kum dus wina karbi dauki ba, baha taya purara silbarka ba ni lalaubaia. Bara lalahka ba witin ai yaptika ra yaban. Yaptika lalahka ba brin bara ai wingka tara puhbi aisin: —Luhpi, Dawan yamni mai munbia.