Sins Lâka 28:13 - DAWAN BÎLA AISKA

¹³ Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Sins Lâka 28:13 ပူးပေါင်းရင်းမြစ်များ

Blasi Sturka 4:9

Bara Dawan bila Ken ra win: —¿Muihkam Abel ba anira sa? Bara witin pana win: —Yang kaikras, ¿dîa yang na muihki aihwaki kakairika sna ki?

2 Samuil 12:13

Debit ba Natán mawan ra win, rait witin saura daukan: —Dawan mapara yang saura daukri. Bara Natán pana witin ra win: —Man saurkam ba dukiara Dawan bui man ra klala maikbia apia, man sin pruma apia.

2 Samuil 14:32

Absalón pana witin ra win: —Yang bui man ra bîli blikri nâra balaia bara king ra mai blikaia, yang bîli witin ra wiaia, witin bui yang ra diara ai wiaia âpu kan kaka, dîa muni Guesur wina ai bri balan; kanra yamni kaia kan balras bâra katna kaka. King ba wal aisaia want sna, yang na diara kum tâka pâtkira sna kaka witin ai ikbia.

2 King Nani 20:15

Aiseya witin ra makabi walan: —¿Bara man wamtla ra dîa kaiki banhwan? Bara Ezequías pana win: —Dîa dîa nâra ba sut pali kaikan. Diara kumi sin kaikras wimna apia, sut kaikan.

2 Kronikas 6:26

“Witin nani mampara saura daukan ba tâka mita lî auhras kabia, bara witin nani naha watla ra bal man ninam ra makabi ai saurka sin dahra sâkbia ba ra, ai saurka wina kli tawbia, sari sin takbia kaka,

Esdras 10:11

Baku bamna, man nani nanara aisikam nani Dawanka bara Gâdka ba mawanra pâtkira banhwisma ba damra wals, baku bamna Dawan lâka ba alki dauks, idan uplika nani lâka ba wina dakwi taks, baha purkara tringsar mairin nani ba wina sin.

Esdras 10:2

Bamna Secanías, Jehiel luhpia waitna, Elam kiamka tila wina ba bal, naku Esdras ra win: “Yang nani wan Gâd mapara ai lâka ba saura pali dauki banhri, mairin nani nisan wala tasbaya wina kan ba, yang nani mayi bri banhri bamna; ban sakuna, Israel ra kau bîla kaikanka lâka bâra sa.

Nihimaya 9:2

baha purkara sin Israel lupia nani ba, upla sât wala idan nani ba tila wina dakwi takan, witin nani saura daukan ba ai dahra walan, bara ai damika nani kasak apia kan ba sin.

Job 31:33

Upla wala nani dauki ba baku daukras katni, swakwanki nani ba yukukras katni, bara sin yukuki sin ban bri kan ai daukras kan.

Job 33:27

Bara wibia: “Saura yâri, tanis lâka nani ba daukri, sakuna Gâd klala aikaia brin daukras kan.

Job 34:31

¿Dîa man bui Gâd ra wiram sa ki: “Ban swiri kunin ai munan, kli saura daukamna apia.”

Lawana Nani 51:10

Gâd, ¡yang ra kupi lukanka tâski âpu ba aik! ¡Bara spirit raya kum kasak ba sin aik!

Sins Lâka 10:12

Misbara lâka ba unsaban lâka nani bukisa, sakuna latwan lâka lika, lâ sauhkanka nani ra pura praki bikisa.

Sins Lâka 17:9

Lâ sauhkanka ban swih tiki uplika ba, latwan lâka paskisa; kuna dahra kli kli saki ba lika, ai libraka aihka dakbi sakisa.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Jirimaya 2:35

Sakuna man baha sut dauki si bara aisisma: ‘Yang lika pâtkas. Gâd kupia baiwanka maipara âpu sa.’ Bamna aitani, man pat aisisma man saura daukras, sakuna lâ daukaia piua kum mangkaisna.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Libait Lâka 5:5

“Naha diara nani sut taki ba tilara, pâtkira takan uplika ba, baha saurka witin daukan ba mana ai dahra sakaia sa.

Jona 3:10

Ninibi uplika nani dîa dauki ba Gâd kaikan, nahki witin nani ai tânka saura swin ba; bara witin ai kupia wal lâ daukan bara saura munaia wisata ba kli swin.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Wihta Nani 10:15

Israel luhpia nani pana Dawan ra win: “Yang nani saura daukri. Bamna dîa man kupiam lâka kat yang nani wal daukaia brin mai dauki ba kat dauks; sakuna yang nani puri sunisni, naiwa man bui yang nani swaki ai sâkma.”

1 Samuil 15:13

Bamna Samuil taki wan Saúl bâra kan ba kat, bara Saúl witin ra win: —Dawan yamni mai munbia. Dawan adarka ba kat yang pat daukri.

1 Samuil 15:24

Bara Saúl bui Samuil ra win: —Âu, yang saura daukri, Dawan adarka nani pura lui wari, man kupi kraukram bîla nani sin bîla walras kapri, upliki nani ra sibrin lukri bara witin nani bîla wali makabanka ba kat daukri.

1 Samuil 15:30

Saúl kli aisin: —Yang saura daukri, sakuna kau ban makabisna Israel almukka nani mawanra bara upla nani mawanra sin, man nani ban kau king baku ai kulki bas. Yawan kli tawi wap, Dawan Gâdkam ra mayunaia.