Sins Lâka 28:12 - DAWAN BÎLA AISKA

¹² Kasakkira nani pura luanka brisa ba ra lilia tara daukisa, sakuna upla watawikira nani pura luanka bri ba ra, upla nani mahka yukuwi banhwisa.

Sins Lâka 28:12 ပူးပေါင်းရင်းမြစ်များ

1 King Nani 18:13

¿Dîa daukri ba dukiara kau man ra mai wiras sa ki, Dawan prapitka nani Jezabel bui iki kan piua ra? Yang mita 100 kumi yukukri, tasba unta wâl ra, bara brit lî wal dakaki kapri.

1 King Nani 19:3

Bara ai dara walan diara saura takisa witin ai mapara, bara ai rayaka swaki sakaia dukiara Beerseba ra wan, baha ba Juda tasbaya kata, ai albika lika bahara swin.

2 Kronikas 7:10

Kati 7 yua 23 ba kat uplika nani kli watla ra blikan, bara witin nani ai kupia liliakira Dawan ai kupia yamnika lâka Debit wal Salaman wal sin daukan ba dukiara, baku sin ai uplika Israel wal sin daukan ba liliaka ra.

Sins Lâka 11:10

Kasakkira nani mapara diara pain auya ba ra, tawan ba ai âuyapah kira takisa; bara watawikira nani tanis tiwi ba ra, upla nani lika lilia pali pulisa.

Sins Lâka 28:28

Upla watawikira nani pura lui buya ba ra, upla wala nani mahka yukuwisa; sakuna witin nani âpu taki tanis tiwi ba ra, kasakkira nani ba mita kli pura lubia.

Sins Lâka 29:2

Kasakkira nani pura aimaki ba ra, upla nani ba lilia takisa, sakuna upla watawikira kum wihta aimaki ba ra, upla nani ba pât wahwisa.

Smasmalkra 10:16

¡Alai kabia ani kuntrika, tuktan kum king mangki bri ba, bara king luhpia nani ba sihkru dauki lalalwisa!

Jirimaya 36:19

Bara baha nani Baruc ra win: —¡Ban kaka, man Jirimaya wal wih yukuwi bas, man nani anira sma ba upla mai kaikbiara!

Jirimaya 36:26

sakuna witin tawi king kiamka luhpia kum Jerahmeel ra adar yan, Seraías ra sin, Azriel luhpia waitna ba, wala Selemías Abdeel luhpia waitna ba ra sin adar yan, prapit Jirimaya ba, wauhkataya âiulbra Baruc sin silak ra mangkaia. Sakuna witin nani ba Dawan mita yukukan.

Jirimaya 5:1

Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

1 Samuil 24:11

“Mihti ra diara brisna na, king ba pain pali kaikbia: naha na king tara prâka tara ba pîska kum sa, yang sip kapri mai ikaia. Naha wal king tara ba tânka bribia, yang bui witin ra saura munaia bara waihla mihta ra mangkaia plikras sna ba, baha swakwanka sin yang daukras. Ban sakuna, king tara ba nini bliki taukisa rayaki tikaia.