Sins Lâka 28:11 - DAWAN BÎLA AISKA

¹¹ Lalahkira ai sinska ba tara pali brisa baku ai dahra walisa, sakuna upla umpira diara tânka bri ba witin dîa luki ba, pliki ban sakaia sip sa.

Sins Lâka 28:11 ပူးပေါင်းရင်းမြစ်များ

Job 32:9

Mani ailal ba mita upla kumi ra sin sinskira daukras sa, unmaya nani ba mita sin apia sa diara wapni tânka briaia ba.

Sins Lâka 18:11

Lalahkira ba lukisa ai dukia kukanka nani ba, ai kan kahbaika tawanka tara kum kutbi purara sunan sa.

Sins Lâka 18:17

Ya pas ai tâwan aisi uplika ba kasakkira baku sa; sakuna witin ai mapara aisi uplika ba aula ba bara param sakuya.

Sins Lâka 19:1

Kanra yamni sa upla umpira kaia lâ aihwa man tilara tauki ba, baku apia sa kaka upla nina aisi tauki ba tilara kaia ba wal.

Sins Lâka 23:4

Lalahkira takaia mata uya pali wînam ikpara; baha dukiara trabil taki lukpara.

Sins Lâka 26:12

Taniskira wina kau bîla kaikaia sip sa, wihki ya uya sinskira puli ba wal.

Sins Lâka 26:16

Upla sringwaskira ba lukisa witin ai sinska lâka ba kau diara tara baku kaikisa, diara tânka latan kaiki uplika 7 sinska lâka ba wal.

Sins Lâka 26:5

Upla taniskira mapara pana aisaia lan kaia, witin ai sinska pali ba tara baku kaikbiara sîa.

Sins Lâka 3:7

Man ba sinskira pali sma lukpara; Dawan ra kulkanka yas, bara saura ba wina mahka tawi was,

Aiseya 5:21

¡Man nani ra saura kabia, sinskira sma lukisma ba diara sut tânka brisma baku damra walisma ba!

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 12:16

Uplikam wal asla iwi bas. Man nani ba kau tara sma lukpara, sakuna bawikira baku bas. Man nani ba sinskira sma lukpara.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.